TIRANË, 15 Shtator /ATSH/ -Komisioni për Sigurinë Kombëtare miratoi sot projektligjin "Për ratifikimin e Marrëveshjes, ndërmjet Këshillit të Ministrave të Republikës së Shqipërisë dhe Këshillit të Ministrave të Bosnje-Hercegovinës, për mbrojtjen e ndërsjelltë të informacionit te klasifikuar".
Të ftuar në këtë mbledhje ishin përfaqësues nga Ministria e Brendshme. Pas shqyrtimit dhe miratimit të këtij projektligji, anëtarët e komisionit shqyrtuan edhe projektligjin "Për Azilin në Republikën e Shqipërisë".
Pas diskutimeve, u vendos që shqyrtimi i këtij projektligji të vazhdojë në mbledhjen e ardhshme. /gj.m//a.ke/