TIRANË- Zgjedhja e kreut të ri të SPAK ka marrë një vëmendje të jashtëzakonshme, duke prodhuar edhe debate dhe akuza për ndërhyrje të mundshme nga segmente të caktuara politike. Po cilat janë kompetencat e kreut të SPAK-ut, pra cili është pushteti i tij? Kreu i SPAK nuk ka asnjë pushtet mbi një prokuror sa i takon hetimit të një çështje korrupsioni dhe krimi, por kreu i SPAK ka në kompetencë ndarjen e dosjeve për prokurorët, sipas specializimin e tyre. Pra, kreu i SPAK dikton se cili prokuror duhet të hetojë një çështje penal, ku i përfshirë mund të jetë një zyrtar, ish zyrtar i nivelit të lartë apo figurë e krimit të organizuar. Ndoshta kjo mund të jetë edhe arsyeja se pse ka një interes kaq të madh se kush do të pasojë Arben Krajën në krye të SPAK për 3 vitet e ardhshme.
Një tjetër kompetencë, parashikuar në nenin 15 të ligjit për SPAK, është edhe drejtimi i administrativ i stafit prej mbi 90 vetash të SPAK-ut. Në këtë kuadër, drejtuesi nxjerr udhëzime të përgjithshme me shkrim në lidhje me procedurat administrative, si dhe rregullore për funksionimin e SPAK-ut. Kreu i SPAK-ut ka në kompetencë edhe koordinimin e punës së njësive hetimore të SPAK-ut me agjencitë e tjera të zbatimit të ligjit në Shqipëri dhe shërbimet e inteligjencës. Drejtuesi i SPAK-ut miraton edhe rregulloret e nxjerra nga Drejtori i Byrosë Kombëtare të Hetimit, në rastin konkret nga Aida Hajna. Rregulloret e drejtueses së BKH-së nuk kanë vlerë vepruese pa u firmosur nga kreu i SPAK-ut.
Gjithashtu, drejtuesi thërret mbledhjen e SPAK-u kur është e nevojshme dhe pas konsultimit me Drejtorin e Byrosë Kombëtare të Hetimit, nxjerr udhëzime për BKH-në, të cilat përmirësojnë marrëdhëniet e punës, efikasitetin apo garancitë mes SPAK-ut dhe BKH-së. Kreu i SPAK, në mungesë të tij, mund të caktojë një prokuror tjetër për drejtimin e SPAK, por jo më shumë se sa 45 ditë. Kreu i SPAK i paraqitet Ministrisë së Financave projektbuxhetin për SPAK si dhe paraqitet në Kuvend për buxhetin. Gjithashtu, kreu i SPAK, brenda datës 1 mars, i dorëzon Këshillit të Lartë të Prokurorisë një raport vjetor me shkrim mbi veprimtarinë e Prokurorisë së Posaçme.
Drejtuesi i SPAK paraqitet në KLP, në Komisionin e Ligjeve dhe në Parlament, për të raportuar për veprimtarinë vjetore të SPAK-ut. Drejtuesi u përgjigjet pyetjeve të anëtarëve të KLP-së si dhe deputetëve për punën e SPAK-ut. Gjithashtu, kreu i SPAK-ut merr masa për të zbatuar rekomandimet e Kuvendit për luftën kundër krimit dhe korrupsionit.
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
