Në Mbretërinë e Bashkuar po vazhdojnë ceremonitë e kurorëzimit të Mbretit Çarls III. Ndërsa mediat britanike sot kanë publikuar botime speciale kushtuar ceremonisë së djeshme, familja Mbretërore ka falenduar njerëzit që megjithë motin me shi dolën për te festuar ngjarjen historike e cila u përsërit pas 70 vjetësh. Të dielën, në mbarë Britaninë e Madhe po mbahen ceremoni të ndryshme përfshirë edhe shtrimi i mijëra drekave për familjet dhe komunitetet.
Mijëra festa në rrugë dhe dreka u mbajtën të dielën për të shënuar kurorëzimin e Mbretit Çarls III, një ceremoni solemne që u mbajt të shtunën në Londër.
Dreka e Madhe është një nismë mbarëkombëtare për të bashkuar fqinjët dhe komunitetet për të festuar Kurorëzimin e Mbretit Çarls III. Këtë radhë pritet të zhvillohen më shumë se 50 mijë ngjarje të tilla.
“Ne pamë kurorëzimin dje me familjen tonë, shtruam një drekë në shtëpi, shikuam të gjitha ngjarjet dhe donim të vinim sot vetëm për të shijuar atmosferën, për të parë dekorimet, për të parë se si ishte gjithçka”, tha Laura Knight, banore e kryeqytetit britanik.
Sonte pritet të mbahet edhe një koncert me yje të muzikës, përfshirë këngëtaren Katy Perry.
Gazetat në Mbretërinë e Bashkuar publikuan të dielën botime speciale duke iu kushtuar faqet e tyre të para ngjarjes historike.
Shumica e gazetave treguan Mbretin Çarls të veshur me kurorën e tij në faqen e parë, me raporte speciale brenda për ceremoninë e cila ishte e zhytur në ritualin e lashtë mbi 1000 vjeçar.
“Atmosfera ishte e mrekullueshme sepse kishte kaq shumë njerëz, por për fat të keq nuk arritëm në zonën ku mund ta shikonim më qartë sepse ishim shumë vonë. Megjithatë, të shihje atmosferën ishte e këndshme”, thotë Andrea Rzihacek, turist nga Austria.
Australia shënoi kurorëzimin e mbretit Çarls III me një përshëndetje me 21 të shtëna me top në Kanberra të dielën pasdite.
Përshëndetja kombëtare u realizua nga Garda Federale e Australisë.
Mbreti Charles është kreu i shtetit në Australi, Zelandën e Re dhe 12 vende të tjera të ‘Commonwealth-it’, shtete jashtë Mbretërisë së Bashkuar. Megjithatë, roli i mbretit është kryesisht ceremonial./VOA
Komente
Lajme të tjera
-
U kap në ‘shtëpi bari’, 23-vjeçari shqiptar dënohet me burg (EMRI)
27 Dhjetor, 15:46 -
Mesazhi i Mbretit Charles për Krishtlindje: Falenderoj punonjësit e shëndetësisë që i qëndruan pranë familjes tonë! Thirrje për unitet
25 Dhjetor, 17:14 -
Britanisë i kërkohet të mos lejojë gruan e Bashar al-Assad të shkojë në Londër
24 Dhjetor, 15:23 -
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Britani/ U kap në shtëpi bari, 21-vjeçari shqiptar pranon rolin e kopshtarit (EMRI)
22 Dhjetor, 19:58 -
FOTO/ Mbreti Charles III në panairin e komunitetit në Britani, i mahnitur nga veshjet kombëtare shqiptare
22 Dhjetor, 15:36 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Kontrabandoi 14 shqiptarë drejt Britanisë në një kamion bagëtish, arrestohet shoferi irlandez
20 Dhjetor, 11:12 -
Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar
18 Dhjetor, 18:49 -
Fiton lotarinë kombëtare, britaniku me pasuri më të madhe se Dua Lipa dhe Adele së bashku
18 Dhjetor, 15:16 -
Britani/ Anulohet linja e parë në botë e autobusëve pa shofer! Shkak mungesa e pasagjerëve
17 Dhjetor, 18:30 -
Belgjikë/ Çmontohet organizata shqiptare e trafikut të kokainës drejt Anglisë! Mbi 30 kontrolle, disa të arrestuar dhe sekuestrime! Transportohej me furgonë mallrash
17 Dhjetor, 14:00
