Bashkëpunimi për energjinë elektrike ka qenë në fokus të takimit të ministrit Enea Karakaçi me homologun grek.

Ai e ka ftuar ministrin për vijimësinë e bashkëpunimit për bursat e energjisë elektrike. Karakaçi thotë se bursa shqiptare ka shtuar volumet vitet e fundit dhe i ka dhënë siguri palës greke.

“Ftova ministrin grek që të vazhdojë bashkëpunimi për sa i përket dy bursave të energjisë elektrike, ndërmjet bursës shqiptare të energjisë dhe bursës greke të energjisë, që gjatë gjithë këtyre viteve kanë patur një bashkëpunim shumë të mirë për sa i përket operimit të tyre. Këtë e dëshmon edhe fakti që bursa shqiptare e energjisë ka marrë një zhvillim shumë të madh, ku volumet janë shtuar në vitet e fundit, dhe pikërisht ka qenë një nga elementët kryesorë bashkëpunimi edhe me palën greke për t'i dhënë siguri në operim, por edhe në eficencën e plotë të transaksioneve”, thotë Karakaçi.

Gjatë pjesëmarrjes së tij në Konferencën e Energjisë në Athinë të organizuar nga Financial Times, Karakaçi ka biseduar me ministrin për linjën e dytë të interkonjeksionit mes Shqipërisë e Greqisë.

“Ndava me të rëndësinë e interkonjektorit të ri që të dy shtetet planifikojnë të bëjnë, për lidhjen midis Shqipërisë dhe Greqisë me një linjë të dytë interkonjeksioni. Në kushtet e zhvillimeve të energjisë së rinovueshme në Shqipëri, kjo linjë e dytë transmetimi merr një rëndësi mjaft të veçantë”, shprehet Karakaçi.

P.J/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Maj, 10:01

    Debati për integrimin, besoni se do anëtarësohemi në BE deri në 2030?

Lajme të tjera