Në mbledhjen e Konferencës së Kryetarëve në ambjentet e Kuvendit, u diskutua edhe kërkesa për mocion për debat, nga ana e grupit parlamentar opozitar të udhëhequr nga deputeti Gazment Bardhi, lidhur me laboratorin e drogës në Xibrakë.
Por kjo kërkesë nuk ka gjetur dakordësinë e mazhorancës. Bardhi u shpreh se kjo çështje ka krijuar një problem të madh në trafikun e drogës dhe kjo duket edhe nga raportet ndërkombëtare.
‘Ju mund te jeni dakord që të mos ekzistojë opozita por se keni në dorë ju. Kërkesa për mocion me debat, është e drejtë e opozitës. Ju folët për çështje të ezauruar, por ju kujtoj se laboratori o Xibrakës nuk është çështje e ezauruar. Ka një dosje të veçuar e cila është në sirtar dhe nuk nuk është trajtuar.
Raportet ndërkombëtare flasin për një problem të shtuar të trafikut të drogës. Prandaj do duhet të ketë mocion për këtë çështje. Por ju s’keni interes kur folët për grabitje prone, s’keni interes kur folët për ekonominë, s’keni interes kur folët për krimin’, tha Bardhi.
Nga ana tjetër, kreu i grupit parlamentar socialisty Bledi Çuçi tha se nuk ka vend për debat në një çështje që i përket gjyqësorit.
"S'kemi si te vendosim sot një datë për mocionin, kur mendojmë se ky mocion s'duhet zhvilluar fare pasi janë çështje të stër-ezauruara. Nga mënyra si është parashtruar kërkesa s'ka vend fare për mocion. Kërkesa e opozitës lidhet me çështje që janë gjykuar nga drejtësia madje edhe me vendime të formës së prerë, që janë ezauruar edhe në debatet parlamentare dhe komisionet hetimore parlamentare. Nuk mund të ulemi sot të flasim për datën e një mocioni", deklaroi Çuçi.
Ministrja e Shtetit për Marrëdhëniet me Parlamentin, Elisa Spiropali, në mbledhjen e Konferencës së Kryetarëve është shprehur se “mocionet me debat nuk mund te jenë manuale denigrimi, cenimi të personalitetit apo shpifjeve”, duke shtuar se diçka e tillë ndodh prej 33 vitesh.
“E di që është bërë zakon dhe vijimisht përdoren jo vetëm familjarët, por kushdo I lidhur me një politikan të kësaj shumice apo kësaj qeverie për t’u bërë mish për top i diskutimit të përditshëm, dhe kjo nuk ndodh sot, por ndodh këtu e 33 vjet, që kur ai që është në ballkon, ishte në krye.”
Në fjalën e saj Spiropali gjithashtu tha se Rregullorja i kërkon kryetares së Kuvendit mos t'i zhvillojë mocione te tilla qesharake.
“E para dhe mbi të gjitha, ky rend dite siç ka ardhur në Konferencë të Kryetarëve, nuk kalon për ne. Për t’i hyrë pak më në thelb, ne anashkalojmë një nen të rregullores që thotë se Kryetari I Kuvendit ka të drejtë te refuzojë interpelnca, mocione e kërkesa kur janë formuluar me fjalor të pahijshëm, paraqisni çështje që nuk janë përgjegjësi e Këshillit të Ministrave, cenojnë nderin, jetën private dhe personalitetin e një individi, etj.”- tha ministrja.
Ndër të tjera ajo ju përgjigj akuzave të deputetëve të cilët e cilësuan Shqipërinë si narkoshtet, duke thënë se kjo gjë ndodh vetëm në ëndrrat e tyre.
“Shqipëria nuk është një narkoshtet, por është një vend që ka çelur negociatat me Bashkimin Europian. Është një vend që ka bërë përparime në 33 kapituj duke plotësuar kriteret. Është një vend që sot mirëpret mbi 10 milion turist dhe situata e sigurisë është ajo që thonë shifrat, jo ajo që thoni ju. Partnerët tanë nuk na quajnë një narkoshtet, përkundrazi, na quajnë një vend të sigurt. Narkoshtet është vetëm në makthet e atij në ballkon- tha ministrja.
Spiropali tha ndër të tjera se mazhoranca nuk i komenton vendimet e gjykatave, ndryshe nga opozita që sulmon Gjykata e Prokurorë sa here që ka një çështje kundra tyre.
“Kjo gjuhë e kthen edhe Parlamentin në një kazan të një diskutimi i cili nuk synon të vërtetën, nuk synon të gjejë zgjidhje, nuk synon as alternativa më të mira, por synon vetëm të denigrojë kundërshtarët, familjarët e tij apo të saj me ç’të mundet dhe në çdo kohë. Edhe pse disa persona e kanë marrë dënimin e tyre, ju prapë doni t’i bëni gjyq publik. Ne nuk komentojmë vendime gjykatash. Ndërkohë që ju, sa herë Gjykata jep një vendim kundër jush, dilni dhe i sulmoni gjykatat.” – tha Spiropali
Në përfundim të mbledhjes së Konferencës së Kryetarëve kreu i grupit parlamentar të Partisë Socialiste, Bledi Çuçi u pyet edhe për votimin kundër dërgimit të mandatit të deputetes Olta Xhaçka në Gjykatë Kushtetuese. Ai ka deklaruar se sa i përket mandatit të Xhaçkës është zbatuar 100% vendimi i Gjykatës Kushtetuese.
“Nuk është e vërtetë që ne nuk respektojmë vendimin e gjykatës kushtetuese. Vendim i i Gjykatës Kushtetuese thotë se shfuqizohen vendimet e kuvendit. Nuk shtrohet çështja nëse është zbatuar ose jo vendimi i Gjykatës Kushtetuese. Vendimi i gjykatës është zbatuar.
Mos bini pre e spekulimeve, është zbatuar 100% vendimi i gjykatës, aty shprehte qartë se çfarë përmban. Nuk përmban ndonjë detyrim. Sot kemi një vendim tjetër që propozoi këshilli për mandate dhe rregulloren kuvendit, që siç e dini votoi.”
Kreu i grupit parlamentar të Partisë Socialiste, Bledi Çuçi edhe në përfundim të mbledhjes së Konferencës së Kryetarëve ka deklaruar se nuk e mbështesin kërkesën e opozitës për mocion me debat lidhur me problematikën e kultivimit apo trafikut të drogës sepse çështjet për të cilat është kërkuar janë ezauruar nga gjyqësori apo edhe në komisione hetimore parlamentare.
"Të gjitha çështjet që janë shtruar në kërkesë janë ezauruar, gjykatat janë shprehur, ka njerëz që janë dënuar apo që vuajnë dënimin. Janë ezauruar qoftë edhe në diskutime parlamentare, madje ka pasur edhe një komision hetimor. Kështu që ne mendojmë se s'ka vend për të pasur një mocion me debat, të paktën sipas kërkesës që ka bërë opozita", deklaroi Çuçi para gazetarëve.
A është e shqetësuar PS për kanabizimin?
“Nuk ka pasur rekorde më të mira në luftën kundër kanabisit sesa sot në Shqipëri e vlerësuar kjo nga të gjithë partnerët ndërkombëtarë. Kjo është një çështje e qeverisjes kudo”, shtoi Çuçi.
Lajme të tjera
-
Gonzato i dorëzon progres raportin Spiropalit, mesazh opozitës: Shpresoj të luajë rolin e saj brenda Kuvendit! Bardhi: Jemi të përjashtuar, fshehja e realitetit s'na ndihmon
31 Tetor, 12:29 -
Ylli Pata: Shuplaka e europarlamentarëve ndaj Gazment Bardhit, kur BE flet shqip
30 Tetor, 21:16
-
Takimi i 18-të i Komisionit Parlamentar BE-Shqipëri, debate PD-PS! Bardhi akuzon për lidhje me krimin, përfshihet dhe Beleri: M'u mor e drejta me makinacione
29 Tetor, 19:08 -
Partia Demokratike e dyzuar për protestën, ndahet në dy pjesë! Një palë me eurodeputetët, të tjerët në bllokim rrugësh e mosbindje civile
29 Tetor, 18:40 -
Takimet e Ramës me diasporën/ Bardhi kërkesë SPAK të nis hetimin: Trupi diplomatik po përdoret nga PS! Presidenti të mos heshtë, po mbështet aktivitetin e paligjshëm
28 Tetor, 18:19 -
Pjesëmarrja e ambasadorëve në takimet e Ramës me diasporën, Bardhi: Po përgatisim kallëzim penal në SPAK! Presidenti të reagojë
27 Tetor, 12:30 -
'Dëmi 180 milionë euro për 1 vit' Gazment Bardhi publikon dokumente me firmën e vulën e ministres Belinda Balluku: Shmangu Bursën e Energjisë për të favorizuar 4 kompani private
25 Tetor, 17:51 -
Plarent Ndreca u mor i pandehur nga SPAK, reagon Bardhi: Deputeti gënjeu publikisht! Tenderët në qeverinë e Ramës, mundësi vetëm për klientët e paracaktuar!
25 Tetor, 13:33 -
Grupi i PD takon Michael Gahler në Parlamentin Europian, ‘harron’ përsëri Metën: Rama ka urdhëruar 7 muaj para zgjedhjeve burgosjet e liderit dhe deputetëve të opozitës
24 Tetor, 16:57 -
Bardhi ndan takimin me eurodeputetin në PE: Qeveria synon agjësimin e opozitës me burgosjen e Berishës
24 Tetor, 14:43 -
Bardhi i përgjigjet Ramës: Ti e ke zgjedhur dyshen tënde të tangos, krimin e organizuar, Hajrin dhe Avdylajt! E vallëzon sipas muzikës që ata dëshirojnë
23 Tetor, 17:24 -
Grupi i PD takohet në PE me McAllister: E informuam për burgosjen e lidershipit të opozitës nga qeveria dhe gjendjen shqetësuese! Garanci për zgjedhje të lira
23 Tetor, 15:00
