Rrëzohet sërish kërkesa e PD për ngritjen e Komisionit Hetimor për Investimet Strategjike! PS: S'ka fakte! Alibeaj: Do ju tregojmë pse trembeni

Është rrëzuar për herë të tretë në Konferencën e Kryetarëve kërkesa e Partisë Demokratike për ngritjen e Komisionit Hetimor për Investimet Strategjike. Kryetari i grupit parlamentar të PD e quajti skandaloz këtë vendim. Ai tha se PD do të ndjekë të gjithë rrugët deri në fund. Alibeaj nënvizoi se u shkel Kushtetuta dhe ligji për komisionet hetimore.

"Ne do t'i bëjmë me dije të gjitha arsyet reale të rrëzimit të kërkesës sot", tha Alibeaj, i cili tha se i gjithë zbatimi i ligjit për Investimet Strategjike është skemë korruptive.

Ndërkohë nga ana tjetër, kreu i grupit Parlamentar të PS-së, Taulant Balla tha se nuk ka asnjë fakt apo indicie që Kuvendi të investohet për ngritjen e një komisioni hetimor. Sipas Ballës të hetosh të gjitha kontrata dhe hapësirën e ligjin nuk është objekt i komisionit hetimor.

'Janë tepër të qarta ato që ka përcaktuar Kushtetuta, e drejta e Kuvendit nuk është e pakufizuar. Duhet të përqaset me nevojën e identifikimit të fakteve konkrete.'- tha Balla.

Grupi Parlamentar i Partisë Demokratike depozituar për herë të tretë kërkesën për ngritjen e Komisionit Hetimor për Investimet Strategjike. PD kërkon ngritjen e këtij komisioni pasi sipas tyre ka dyshimet për abuzime dhe klientelizëm për projektet strategjike.  

Kërkesa është firmosur nga 35 deputetë të opozitës, mes tyre edhe ish-kreu i PD-së Luzlim Basha. Ajo çfarë vihet re është se deputetja Ina Zhupa ka tërhequr firmën e saj që pas bashkimit me grupin e Sali Berishës, ndërkohë që në kërkesën e parë drejtuar Kuvendit ajo ishte një prej firmëtarëve.

Mazhoranca socialiste rrëzoi të enjten kërkesën e dytë të deputetëve të opozitës për ngritjen e Komisionit Hetimor për të kontrolluar mënyrën sesi qeveria ka zbatuar ligjin për investimet strategjike. Përsëritja e kërkesës u bë pasi Agron Duka tërhoqi firmën pak ditë më parë, ndërsa në vend të tij për ngritjen e komisionit firmosën Enkelejd Alibeaj dhe Lulzim Basha, të cilët sipas argumentimeve të demokratëve për shkak të axhendës nuk kishin mundur të firmosnin. Por socialistët e rrëzuan me pretendimin se kërkesa duhet të ishte bërë nga fillimi dhe firmat duhet të ishin mbledhur sërish pas tërheqjes së deputetit Duka.

Sipas ligjit, për ngritjen e një komisioni hetimor duhen të paktën 35 firma deputetësh. PD thotë se ky komision do të hetojë të gjitha investimet e mëdha, që sipas tyre i janë dhënë miqve të Ramës. Në mbledhjen e fundit të grupit parlamentar PD përcaktoi edhe përbërjen e Komisioni Hetimor për Investimet Strategjike ku kryetar ishte parashikuar Gazment Bardhi. Gazment Bardhi që është edhe inciatori për ngritjen e këtij Komisioni, ka thënë qartë që qëllimi është që me anë të kësaj të kuptohet që shqiptarët do të shohin sesi pronat publike po ndahen tek familjarët e ministrave, tek miqtë e Edi Ramës dhe tek një grusht oligarkësh pranë tij.

Rendit zhvillimet sipas orarit:
Ora 13:27
Kërkesa e opozitës për ngritjen e komisionit për Investimet Strategjike, Balla: Nuk ka asnjë fakt apo indicie

 

Kryetari i grupit Parlamentar në Partisë Socialiste Taulant Balla ka folur pas rrëzimit nga Konferenca e Kryetarëve të kërkesës së opozitës për ngritjen e Komisionit Hetimor për Investimet Strategjike.

‘Mendoj se opozita ka plot instrumenta të kontrollit parlamentar për të adresuar propozimet e veta. Në kërkesë nuk ka asnjë fakt dhe asnjë indicie që kuvendi të investohet për ngritjen e një komisioni hetimor. Janë tepër të qarta ato që ka përcaktuar Kushtetuta, e drejta e Kuvendit nuk është e pakufizuar. Duhet të përqaset me nevojën e identifikimit të fakteve konkrete. Të hetosh të gjitha kontrata dhe hapësirën e ligjin nuk është objekt i komisionit hetimor. Të enjten do të parashtroj të gjitha qasjet e grupi parlamentar.’- tha Balla.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ndue: 20/06/2022 17:51

    Nuk dashka kryedallkauku te dalin te dhena nga procesi "strategjik" i vjedhjes se prones publike. Edhe pse opozita eshte kandisur si mos me keq dhe nuk ka ci ben, kryekapsi i shtetit nuk qenka ne qef ti lere e te hetojne parlamentarisht. Me argumentin se nuk ka fakte! Dy probleme qe tregojne sesa i temershem eshte mentaliteti autikratik komunist: e para, hetimi behet per te mbledhur faktet, sepse po ti kishin i conin ne SPAK. Se dyti, nese fakte spaska, pse xhanem te kete kaq frike banda e pykave hajdute??? Nese ka hallin e punes se komisionit, le te mos marre pjese fare dhe tja lere komplet opozitave te Bashes dhebSales kete pune!!! E mjera Shqiperi. Ne emer te eksperimenteve te SHBA dhe BE, krijuan, mbeshteten dhe flaken tej monstra politik te llojit Berisha apo Meta. Tani kane nje me te frikshen, me hibrid dhe me maskara, Ramen.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen