Konferenca Globale Kundër Ekstremizmit të Dhunshëm në Tiranë, Çuçi: Shqipëria vlerësohet si vend model në parandalimin e radikalizmit dhe kundërshtimit të ekstremizmit të dhunshëm

Konferenca Globale Kundër Ekstremizmit të Dhunshëm në Tiranë, Çuçi: Shqipëria vlerësohet si vend model në parandalimin e radikalizmit dhe kundërshtimit të ekstremizmit të dhunshëm

Ministri i Brendshëm Bledi Çuçi gjatë konferencës

Ditën e sotme në Tiranë është zhvilluar konferenca globale mbi ekstremizmin e dhunshëm që shpreh rëndësinë thelbësore e Rehabilitimit dhe Riintegrimit në përpjekjet ndërkombëtare për të parandaluar ekstremizmin e dhunshëm.

Konferenca e nivelit të lartë, e bashkëorganizuar nga Qeveria Shqiptare, Bashkimi Evropian dhe Fondi Global i Angazhimit dhe Rezistencës së Komunitetit (Global Community Engagement and Resilience Fund, GCERF), u fokusua në nevojën për të rehabilituar dhe ri-integruar të kthyerit nga konfliktet jashtë vendit, përfshirë dhe familjet e tyre.

Ministri i Brendshëm Bledi Çuçi, në fjalën hapëse të konferencës përmendi edhe njëherë operacionin e katërt të finalizuar pak javë më parë për riatdhesimin e shqiptarëve nga kampet e ferrit në Siri.

Ai tha se kjo është një punë që do të vijojë, ndërsa evidentoi faktin si riintegrimi i këtyre shtetasve kryehet sipas një modeli tashmë të konsoliduar pranë një strukture të specializuar “Qendër Pritëse” e ngritur enkas me VKM.

“Shqipëria miratoi një qasje gjithëpërfshirëse qeveritare. Agjencitë e zbatimit të ligjit, arsimi, shëndetësia dhe shërbimet sociale duhet të punojnë krah për krah për të garantuar procese të shëndosha rehabilitimi dhe ri-integrimi në komunitet nën koordinimin e Qendrës së kundër Ekstremizmit të Dhunshëm. Rajoni i Ballkanit Perëndimor është angazhuar në një dialog dhe rrjet kapilar për të trajtuar këto sfida duke përdorur praktikat më të mira si pjesë e sfidës për parandalimin e ekstremizmit të dhunshëm”, u shpreh ministri Çuçi.

Më tej ai theksoi gjithashtu faktin se Shqipëria me Qendrën CVE cilësohet si model në parandalimin e radikalizmit dhe kundërshtimit të ekstremizmit të dhunshëm

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • mysafiri: 16/06/2022 23:56

    EDI RAMA HIQE CUCIN NGA MINISTER TE BRENDSHEM,,,NUK ESHTE I AFTE,,,,SHIKO SE C'PO NDODH NEPER RRUGET E SHQIPERISE,,,PO VRITEN NJEREZIT PERDITE.....KY CUCI JOT FLE GJUME NE ZYRE ME DUKET ME KEQ SE LULZIM BASHA....

    Përgjigju
  • Sondazhi i ditës:

    Vizita e Presidentit Begaj në Kosovë, si i vlerësoni mesazhet dhe takimet që zhvilloi?



×

Lajmi i fundit

Sarandë, u godit me thikë pas një konflikti, ndërron jetë një person

Sarandë, u godit me thikë pas një konflikti, ndërron jetë një person