POP 5

Lajmet më të lexuara të 5 minutave të fundit

Sociale

Shahini: Të fuqizohet edukimi seksual në shkolla dhe jashtë saj, media të bëhet partner

Ministrja Shahini nënvizoi se UNFPA e ka shpallur Shqipërinë lider në rajon për përfshirjen e edukimit shëndetësor dhe seksual në shkollë.

Shahini: Të fuqizohet edukimi seksual në shkolla dhe jashtë saj, media të bëhet partner

Shahini gjatë konferencës

Ministrja e Arsimit, Sportit dhe Rinisë Besa Shahini mori pjesë në “Konferencën Rajonale për Fuqizimin e Edukimit Seksual, Brenda dhe Jashtë Shkolle”, organizuar në Tiranë nga zyra e UNFPA në Shqipëri.

Në fjalën e saj, Ministrja Shahini nënvizoi se UNFPA e ka shpallur Shqipërinë lider në rajon për përfshirjen e edukimit shëndetësor dhe seksual në shkollë.

“Më shumë informacion do të thotë më shumë kujdes për shëndetin e të rinjve”, ka thënë Shahini.

Gjithsesi, ministrja theksoi gjithashtu se puna që po bëhet nëpër shkolla është e pamjaftueshme nëse vetë media nuk është një partner i duhur në edukimin e të rinjve.

“Nuk mjafton puna që po bëjmë në shkolla nëse fëmijët janë të ekspozuar ndaj medias mizogjene që për rritje të shikueshmërisë dhe klikimeve e objektifikon gruan dhe vajzën, si dhe mbi-ekspozon detaje të abuzimeve kur raporton mbi to”, është shprehur Shahini.

Sipas asaj, përveç cënimit të privatësisë së viktimave që mediat bëjnë kur raportojnë mbi abuzimet, ato dërgojnë edhe mesazhe të gabuara për të rinjtë që kanë nevojë për modele të mira të bashkëveprimit social. Ministrja shpreson që media të bëhet partner edukimi për të rinjtë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

'Ata që jetojnë jashtë nuk janë patriotë, sepse janë larguar' - po thonë disa!

'Ata që jetojnë jashtë nuk janë patriotë, sepse janë larguar' - po thonë disa!

17 Shkurt, 17:44 nga Alban Daci