Kryeministri Edi Rama duket se ka konfirmuar kryebashkiakun e Gjirokastër Flamur Golemi për një mandat të dytë. Nga takimi që po zhvillon në Gjirokastër, Rama nuk kurseu lëvdatat për Golemin, teksa tha ai ja ka dalë që të përfitojë fonde dhe nga donatorët duke mos pritur vetëm nga qeveria.

Kryeministri nuk kurseu as batutat me Golemin në lidhje me veshjen.

"Këtë këmishën e ke parë nga unë, por nuk të shkon. Ose jo, e ke lënë jashtë se të është rritur barku pak", tha Rama. 

Një natë më parë Rama konfirmoi si kandidate për krybashkaike në Përmet edhe Alma Hoxhën. Ndërkohë emrat e tjerë që do të rikandidojnë për kryetar bashkie nën logon e Partisë Socialiste janë Armando Subashi për Bashkinë Fier, Eriselda Sefa për Bashkinë Lushnje dhe Erion Veliaj për Bashkinë Tiranë. Ndërsa Dritan Lelit, aktualisht kryebashkiak i Vlorës, PS nuk do t'i japë mundësi tjetër.