TIRANE- Mësuesit të cilët duan të sigurojnë një vend pune apo të ndryshojnë atë për të shkuar në profilin e tyre, sot kanë afatin e fundit për të aplikuar në portalin “Mësues për Shqipërinë”.

Të dhënat zyrtare nga Ministria e Arsimit tregojnë se deri më dje janë regjistruar rreth 6000 mësues punëkërkues, ku interesi më i lartë është shfaqur në qytetet e mëdha si Tirana, Elbasani Durrësi dhe Korça.