Konservantë e stimulues në mish
e qumësht, AKU: Kontrolle rigoroze

Dyshimet e hedhura nga konsumatorët për përdorimin e konservantëve dhe stimuluesve në produktet dhe nënproduktet e mishit e qumështit në vend kanë bërë që Autoriteti Kombëtar i Ushqimit të reagojë, duke thënë se në mënyrë të vazhdueshme realizohen kontrolle rigoroze.

Ky autoritet në një reagim të shpërndarë për mediat, thotë se, lidhur mbi praninë e supozuar të shtesave kimike në trajtë stimulantesh në mish dhe i konservuesit Benzoal në qumësht, nuk përdoren dhe nuk ka prani të këtyre lëndëve në prodhimet vendase.

Prodhimi gjurmohet dhe kontrollohet që në origjinë dhe deri sa mbërrin te konsumatori dhe se, prodhimet e importuara i nënshtrohen një kontrolli rigoroz të prejardhjes, si dhe kryhen analiza periodike të sigurisë dhe cilësisë.
 
AKU shton se, në vendet e BE, në vitin 2006, me ndalimin e një grupi të caktuar produktesh mjeksore Veterinare, si Tirostatiket, Betaagonistët dhe Somatotropinat ku hyn dhe hormone boldomex (i cili bën pjesë në grupin e tirostatikëve),edhe në Shqipëri u ndalua përdorimi i këtij produkti.
 
Lista e këtyre produkteve që ndalohet të futen në vendin tonë,është e afishuar dhe në pikat doganore shqiptare dhe disponohet nga Drejtoria e Doganave. Nëse këto produkte futën në vendin tonë, kjo veprimtari kryhet në mënyrë të kundraligjshme dhe është vepër penale e përgjegjësi e institucioneve tjera. Ndërsa konstatohen nga AKU, iu kërkojmë ndërhyrjen e menjëhershme institucioneve kompetente.
 
Redaksia Online
(F.T/shqiptarja.com)