Njerëzit që hanë kos çdo ditë kanë një rrezik më të ulët të zhvillimit të osteoporozës, sipas një studimi shkencor irlandez.
Studiuesit, të udhëhequr nga Eamon Laird i Shkollës së Mjekësisë të Trinity College Dublin, i cili publikoi studimin përkatës në revistën e osteoporozës “Osteoporosis International”, sipas “New York Times”, studiuan të dhënat për 4310 njerëz mbi 60 vjeç, duke lidhur dietën e tyre me shëndetin e kockave.
U zbulua se konsumimi i përditshëm i kosit lidhej me një rrezik 39% më të ulët të osteoporozës dhe një rrezik 31% më të ulët të osteopenisë tek gratë, si dhe një rrezik 52% më të ulët të osteoporozës tek burrat, krahasuar me ata që nuk hanin fare kos.
Njerëzit që hanin më shumë kos në ditë kishin 3% deri në 4% densitet më të lartë të kockave sesa ata që hanin më pak, treguan matjet.
“Kosi është një burim i mirë i mineraleve, vitaminave D dhe B, kalciumit, proteinave dhe probiotikëve, gjë që e bën atë shumë të dobishëm”, tha Laird, duke theksuar se të moshuarit kanë çdo arsye për të ngrënë kos nëse duan kocka më të shëndetshme.
Komente
Lajme të tjera
-
Glukozaminë sulfati i kristalizuar, alternativa më e përdorur në trajtimin e osteoartritit
21 Qershor 2022, 09:00 -
U kthyet nga plazhi dhe jeni djegur, nuk është vetëm kosi, mësoni produktet e tjera që do t'ju shpëtojnë
25 Korrik 2020, 20:09 -
Trajtime anti-Covid/Shpresa të reja nga Raloxifene, ilaçi i përdorur kundër osteoporozës
19 Qershor 2020, 11:14
