POP 5

Lajmet më të lexuara të 5 minutave të fundit

Kronikë

Kontrabanda, vendimi i cakton 3 mln
lekë gjobë mikut të Arben Imamit

Dënohet me 3 milion lekë të vjetra Bardhyl Imami, kushëriri i ish-ministrit të Mbrojtjes Arben Imami. Vendimi është dhënë nga gjyqtarja Klorinda Çela në datën 8 maj, e cila ka deklaruar fajtor të pandehurin Bardhyl Imami, duke e dënuar atë me gjobë financiare.
TIRANE- Dënohet me 3 milion lekë të vjetra Bardhyl Imami, kushëriri i ish-ministrit të Mbrojtjes Arben Imami. Vendimi është dhënë nga gjyqtarja Klorinda Çela në datën 8 maj, e cila ka deklaruar fajtor të pandehurin Bardhyl Imami, duke e dënuar atë me gjobë financiare. Vetë prokurori Etien Kapo, në pretencën e tij ka kërkuar dënimin e Imamit, me 4 milion lekë burg, ndërkohë që gjyqtarja Çela ka vendosur ta dënojë me 4.5 milion lekë gjobë, por për shkak të aplikimit të nenit 406 të K.Pr. Penale, i pandehuri ka fituar 1/3 e uljes së dëimit, duke u dënuar përfundimisht me 3 milion lekë të vjetra.

Ngjarja
Më datë 24.01.2014, rreth orës 10:00, nga shërbimet e Policisë së Shtetit, me qëllim evidentimin e personave që tregëtojnë medikamente mjekësore në meynyrë të kundraligjshme, është konstatuar se i pandehuri Bardhyl Imami,duke tregëtuar medikamente mjekësore në farmaci “Shehu”,që ndodhet në Rr.“Medar Shtylla”. Këto medikamente janë sekuestruar nga ana e Policisë Gjyqësore. Shtetasi Ridvan Shehu,  është me banim në qytetin e Tiranës dhe ushtron aktivitet në fushën e farmaceutikës, duke disponuar farmaci “Shehu”, që ndodhet në Rr. “Medar Shtylla” Tirane.

I pandehuri Bardhyl Imami, ka mundur të sigurojë, në mënyrë të kundraligjshme, ndër të tjera dhe dy pako me fisha diabetikësh. Këto dy pako, me datë 24.01.2014, i pandehuri Bardhyl Imami i ka tregëtuar tek shtetasi Ridvan Shehu. Pikërisht në këtë moment, është realizuar dhe kapja në flagrancë e të pandehurit Bardhyl Imami. Më pas, ndodhur në kushtet e flagrancës, është ushtruar kontroll në banesën e të pandehurit Bardhyl Imami. Gjatë kontrollit të ushtruar janë gjendur e sekuestruar 274 pako me medikamente të ndryshme, të cilat nuk dispononin pullën fiskale.

Gjithashtu, nga ana e të pandehurit Bardhyl Imami nuk disponohej asnjë lloj dokumentacioni mbi këto medikamente. Njëkohësisht, gjatë kontrollit në banesën e të pandehurit Bardhyl Imami,janë gjendur e sekuestruar dhe dy blloqe shënimesh. Në këto dy blloqe pasqyrohen disa shit-blerje të ndryshme të kryera nga ana e të pandehurit Bardhyl Imami të medikamenteve tek persona të ndryshëm. I pyetur gjatë hetimeve paraprake dhe gjatë gjykimit i pandehuri e ka pranuar akuzën,për kryerjen e veprës penale  “Tregtimit dhe transportimit të mallrave që janë kontrabandë”.Gjykata, pasi ka administruar në tërësi fashikullin e prokurorisë,me Nr. 699 procedimi, viti 2014, e cila më pas u bë pjesë e fashikullit të gjykimit, konkludon se i pandehuri Bardhyl Imami ka konsumuar elementët e veprës penale të “Tregtimi dhe transportimi i mallrave që janë kontrabande".

Redaksia Online
(d.a/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03