TIRANE- Qeveria bëri tenderë me vlerë të kontraktuar 129 miliardë lekë (1.3 miliardë euro) gjatë vitit 2024. Mbi 2,200 kompani u shpallën fituese, por 10 kompanitë më të mëdha morën 29% të vlerës së kontraktuar, ndërsa 50 kompanitë më të mëdha morën 62% të fondeve. Gazetari i BIRN, Gjergj Erebara ka renditur emrat e 10 kompanive.
Kompania e ndërtimit të rrugëve Gjoka Konstruksion udhëhoqi listën e kontratave të prokurimeve publike gjatë vitit 2024, duke fituar gjashtë kontrata me vlerë të përgjithshme 8.8 miliardë lekë (rreth 89 milionë euro), ku projekti më i madh ishte kontrata për rehabilitimin e rrugës Fier – Frataj me vlerë 3.6 miliardë lekë.
Kompania Gjoka fitoi tenderë për ndërtim rrugësh si dhe për ndërtim ujësjellësish. Projekti më i kushtueshëm sa i përket ujësjellësave është ai i titulluar: “Furnizim me ujë i zonave bregdetare Zonat e Investimit Strategjik Draleos, Drimadhes dhe Dhërmi Faza e III”, për të cilin taksapaguesit po shpenzojnë rreth 800 milionë lekë pa TVSH (rreth 8 milionë euro).
Kompania “Salillari” u rendit në vend të dytë me tetë kontrata me vlerë të përgjithshme 4.6 miliardë lekë. Kontrata më e madhe titullohet: Ndërtim aksi rrugor Elbasan – Papërr Faza I me vlerë 2 miliardë lekë.
Kompania “Fusha” u kthye në majë të renditjes së kontraktorëve vitin e kaluar pas disa vite mungesash. Ajo fitoi shtatë kontrata me vlerë të përgjithshme 4 miliardë lekë, duke u renditur në vend të tretë. Kontrata më e madhe është Zgjerimi i rrugës Elbasan- Qafë- Thanë (Faza VIII) me vlerë 2.2 miliardë lekë.
Kompania BE – IS SH.P.K fitoi 11 kontrata me vlerë të përgjithshme 3.7 miliardë lekë. Kontrata më e madhe është “Ndërtim aksi rrugor Papërr – Ura e Grykshit, Faza II” me vlerë 2.1 miliardë lekë.
Në vend të pestë u rendit kompania Agbes Konstruksion, e cila fitoi dy kontrata me vlerë të përgjithshme 3.5 miliardë lekë. Njëra kontratë titullohet “Ndërtim aksi rrugor Papërr – Ura e Grykshit, Faza I” ndërsa kontrata tjetër ka të bëjë me zgjerimin e rrugës së Ksamilit.
Kompania Geci fitoi gjashtë procedura prokurimi me vlerë të përgjithshme 3.1 miliardë lekë. Kontrata më e madhe është “Ndërtim aksi rrugor Elbasan – Papërr Faza II”.
Në vend të shtatë u rendit kompania 2 T me gjashtë kontrata me vlerë të përgjithshme 2.9 miliardë lekë. Kontrata më e madhe është për “Ndërtim aksi rrugor Elbasan – Papërr Faza III” me vlerë 2.2 miliardë lekë.
Kompania G.P.G. COMPANY fitoi katër procedura prokurimi me vlerë të përgjithshme 2.8 miliardë lekë. “Ndërtim rruga Berat – Ballaban, Loti 1” me vlerë 1.7 miliardë lekë.
Kompania Albstar u rendit e nënta me një kontratë të vetme, kontratën “Zgjerimi i rrugës Elbasan- Qafë- Thanë (Faza VI)” me vlerë 2.3 miliardë lekë.
Në vend të dhjetë u rendit kompania ANK, gjithashtu me një kontratë të vetme “Zgjerimi i rrugës Elbasan – Qafë Thanë (Faza VII)” me vlerë 2.8 miliardë lekë.
Në tenderët e sektorit publik gjatë vitit të kaluar u shpallën fitues 2216 kompani, por dhjetë kompanitë e mëdha fituan 29% të të gjithë fondit të prokurimit, ndërsa 50 kompanitë e mëdha fituan mbi 800 milionë euro kontrata ose 62% të fondit limit shkruan BIRN
1- Kompania e ndërtimit të rrugëve Gjoka Konstruksion - Pronar Rrok Gjoka
2- Kompania “Salillari” - Pronar Pëllumb Salillari
3- Kompania Fusha Shpk - Pronar Shkëlqim Fusha
4- Kompania BE – IS SH.P.K - Pronar Hamz Islamaj
5- Kompania Agbes Konstruksion - Pronar Arben Gogaj dhe Bashkim Ramaj
6-Kompania 'Geci' - Pronar Ramë Geci
7- Kompania 2 T - Pronar Artan Sako
8- Kompania G.P.G. COMPANY - Pronar Paqësor Buzi dhe Gëzim Dani
9- Kompania Albstar - Pronar Idajet Ismailaj
10- Kompania ANK - Pronar Agim Kola
Komente
Lajme të tjera
-
Shembja e rrugës Korçë-Ersekë, inxhinieri Nazarko: U ndryshua gjurma për t’i rritur vlerën projektit, është 5-fishuar! Nëse arnohet, s’ka garanci, duhet urë
22 Shkurt 2024, 14:16 -
Report Tv në aksin Korçë-Ersekë, pamjet e shembjes masive! Plasaritje në gjithë aksin dhe muret mbrojtëse, rrezikohet rrëshqitja e dherave
20 Shkurt 2024, 11:50
-
Shembje masive në rrugën e re Korçë-Ersekë! A.N.K fituesja me flamur të kuq, kompania e vëllait të ish deputetit PS! Me A & E ENGINEERING fituan me ofertën gati sa fondi limit
19 Shkurt 2024, 11:42 -
Rruga e re Korçë-Ersekë u shemb pa u inauguruar, kallëzim penal në SPAK ndaj ARRSH-së, kompanive A.N.K dhe A&E ENGINEERING e bashkisë Kolonjë
18 Shkurt 2024, 19:02
-
Hiqej si zyrtar i lartë dhe mashtronte biznesmenët në Tiranë duke u marrë para, Report TV siguron foto të Florian Gjergjit
21 Maj 2023, 14:04
-
Mashtrimi i biznesmenëve, në tri raste ‘ideatori’ i njëjtë! Zbulohet skema e Florian Gjergjit, dërgonte mesazhe në emër të zyrtarëve
11 Maj 2023, 16:21
-
‘Lufta’ për Sinecin, banorët e Lumasit në Kuçovë kundër ‘Salillarit’ dhe Bashkisë: Jemi në proces gjyqësor dhe këta vijojnë punimet
2 Mars 2023, 16:56
-
Gjoba bizneseve, si tentuan 3 mashtruesit t'i merrnin biznesmenit Pëllumb Salillari 130 mijë euro: U dha lekët nën mbikqyrjen e policisë
10 Janar 2023, 13:23 -
Nga Lul Morina te Llanaj, dosjet e ‘nxehta’ për pallate pa leje në Prokurorinë e Tiranës, Bojken Lako dhe Mimoza Ahmeti u ndëshkuan për riparim shtëpie
21 Nëntor 2022, 17:18
-
Berat/ Banorët e Lumasit në protestë: Firma ‘Salillari’ ka kryer punime në zonën e mbrojtur, po shkatërron burimin e Sinecit! Të shkojnë para drejtësisë
30 Tetor 2022, 09:48
-
Firmoset akti i parë/ 'Syri i Tiranës' i dhuron shtetit 4646 m2 shtesë pa leje! Rama: Do përdoret për interes publik
29 Shtator 2022, 13:48 -
Konfiskohet shtesa pa leje 1200 metër katror e pallatit të biznesmenit Pëllumb Salillari në Farkë! Çuçi: Pronari ose ta parablejë ose dhurojë për Entin e Banesave
9 Shtator 2022, 12:59
