POP 5

Lajmet më të lexuara të 5 minutave të fundit

Kronikë

Kontroll blic në burgun ku ndodhet Tahiri, të dënuarve u gjenden drogë! Si ishte improvizuar sharra dhe televizori si mjet komunikimi

Një kontroll blic në burgun e Fierit ka zbuluar drogë dhe disa pajisje që ishin shndërruar si mjetet komunikimi me botën jashtë.

Kontroll blic në burgun ku ndodhet Tahiri, të dënuarve u gjenden drogë! Si ishte improvizuar sharra dhe televizori si mjet komunikimi

Droga e gjetur

TIRANË- Një kontroll blic në burgun e Fierit ka zbuluar drogë dhe disa pajisje që ishin shndërruar si mjetet komunikimi me botën jashtë. Kontrolli nisi pas informacioneve se në burgun e Fierit ishte futur një sasi droge dhe kjo u konfirmua. 9 doza lëndë narkotike, e pa specifikuar se cilit lloj, u gjeten në ambientet e burgut, e ndërsa 13 tjera në palestër. Të dënuarit ishin “kujdesur” që ta fshihnin mirë, duke e vendosur në neonin e tavanit të palestrës, por kjo nuk u ka shpëtuar uniformave blu.

Ndërkohë, nga sa Report Tv ka mësuar nga burime zyrtare, gjatë kontrollit është gjetur edhe një sharrë e improvizuar me kokën e një makine qethëse si dhe një televizor “Obot” me fijet jashtë për lidhje me kufje, dyshuar si mjet komunikimi të gjendura në godinën B. 

"Drejtoria e Burgjeve kontroll në IEVP Fier, gjendet lëndë e dyshuar si narkotike. Drejtoria e Përgjithshme e Burgjeve organizoi dje rreth orës 22.50 një operacion në IEVP Fier pas informacioneve të marra në rrugë operative se brenda institucionit mund të kishte depërtuar lëndë narkotike. Aksioni është drejtuar nga Drejtori i Policisë së Burgjeve në krye të dy grupeve të forcave operacionale. Pas kontrollit të disa dhomave banimi dhe ambienteve të përbashkëta u gjetën nëntë doza të dyshuara si lëndë narkotike. 13 doza të tjera u gjetën fshehur në neonin e tavanit në palestër. Gjatë kontrollit, u gjet edhe një sharrë e improvizuar me kokën e një makine qethëse si dhe një televizor “Obot” me fijet jashtë për lidhje me kufje, dyshuar si mjet komunikimi. Materialet i kaluan për veprime të mëtejshme SHKKB", njofton SHKKB.

Kujtojmë që në këtë burg pak javë më parë u transferua edhe ish-ministri i Brendshëm Saimir Tahiri për të vuajtur dënimin 3.4 vite.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kujdestari: 19/02/2022 10:03

    O Loni nuk di gje ti kur edhe televizori eshte kthyer ne telefon droga eshte fare e thjeshte per te hyre.

    Përgjigju
  • Loni: 19/02/2022 09:44

    Shpifje shpifje shpifje ska droge eshte trillim... Hahahahaha Saperralle e bukur eshte shqiperia...

    Përgjigju
  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?

Lajme të tjera



×

Lajmi i fundit

John

Sërish përleshje në protestë në Maqedoninë e Veriut, raportohet për të shtëna me armë! Kreu i opozitës Mickoski akuzon se një person donte ta vriste

6 Korrik, 22:01