POP 5

Lajmet më të lexuara të 5 minutave të fundit

Kronikë

Kontrolle të shtuara nga policia rrugore gjatë fundjavës! Ndëshkohen me gjobë 2400 shoferë, 6 në pranga

Gjatë 48 orëve të fundit ka pasur rreth 2400 ndëshkime për drejtues të mjeteve që nuk kanë respektuar rregullat e qarkullimit.

Gjatë 48 orëve të fundit ka pasur rreth 2400 ndëshkime për drejtues të mjeteve që nuk kanë respektuar rregullat e qarkullimit.

Nisur nga fluksi i shtuar në fundjavë, drejt zonave bregdetare dhe turistike, shërbimet e Policisë Rrugore në të gjithë vendin kanë intensifikuar monitorimin e qarkullimit të automjeteve në të gjitha akset rrugore nacionale, ato kryesore rurale dhe në qendrat urbane, duke përdorur radarët automatikë, makinat inteligjente, dronët edukues dhe kamerat, me qëllim parandalimin e aksidenteve rrugore.

Konkretisht, janë konstatuar dhe ndëshkuar me gjobë, 645 drejtues automjetesh, për parakalime të gabuara; 381 për mosvendosje të ripit të sigurimit; 406 për përdorim të aparatit celular gjatë drejtimit të automjetit; 173 për mosvendosje të kaskës mbrojtëse nga drejtuesit e motomjeteve.

Janë konstatuar me shpejtësi tej normave të lejuara dhe iu është pezulluar leja e drejtimit, me afat nga 3 deri në 12 muaj, 79 drejtuesve të automjeteve, duke filluar nga Rruga e Kombit deri në Sarandë. 

Gjithashtu janë ndëshkuar me gjobë 757 drejtues të automjeteve të cilët janë konstatuar me shpejtësi tej normave të lejuara, por ndaj tyre nuk është marrë masa e pezullimit të patentës.

Po gjatë monitorimeve dhe kontrolleve me përzgjedhje janë pezulluar 25 leje drejtimi, me afat nga 2 deri në 18 muaj, për drejtim mjeti nën efektin e alkoolit, si dhe kanë vënë në pranga 6 drejtues mjetesh, për drejtim mjeti në gjendje të dehur.

Gjithashtu janë ndëshkuar me gjobë për drejtim mjeti nën efektin e alkoolit, 39 drejtues mjetesh.

Mes të tjerash, policia bën thirrje që drejtuesit e automjeteve të përdorin edhe rrugët alternative për të hyrë në Tiranë në rast se në akset kryesore që lidhen me kryeqytetin, ka fluks të shtuar të qarkullimit.

B.V/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01