X

POP 5

Lajmet më të lexuara të 5 minutave të fundit

‘Kopshtet plastike’, objektet si personazhe në teatër! Java italiane edhe sot ‘Një ballo me maska’ unike

Java italiane në ditën e saj të katërt mes një sërë aktivitetesh i dhuroi publikut magjinë e teatrit italian për fëmijë dhe operën “Një ballo me maska”, me skenografinë unike 109-vjeçare të Teatrit të Regio di Parmas.

Në mbrëmjen e 3 qershorit teatri Metropol e ai i Operas, sollën shijen e artit skenik italian.

Java Italiane i dha mundësi vogëlusheve të kryeqytetit të përshkonin një rrugëtim imagjinar në “Kopshtet plastike” të Salvatore Tramacere të teatrit Koreja. Një lojë zbavitëse ku fëmijët mund të takonin engjëj, zana apo jashtëtokësorë, e gjitha nën magjinë e efekteve të dritave tingujve e ngjyrave...

Regjisori italian luan me elementët e plastikës dhe mbetjeve duke transformuar veshje a objekte të thjeshta të përditshme në personazhe të historisë e sfidon vogëlushët  në teatrin Metropol që t’i dallojnë në skenë për t’u përçuar mesazhe edukative për rëndësinë e mbrojtjes së ambientit e riciklimit.

Ndërsa ora 19.00 e kësaj të premteje e gjeti publikun vendas në “Opera”, për të parë shfaqjen e Verdit “Një ballo me maska” me një skenografi unike 109-vjeçare të zbuluar rishtazi, në Teatrin Regio di Parma.

Me protagonistë në netët e para me Dario Di Vietrin,. Eva Golemin e Armand Likajn, mbrëmja do të vijojë edhe sot. Java Italiane vijon deri në 7 qershor, me një sërë aktivitetesh të shtrira në Tiranë e rrethe.

A.M./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

Përplasjet me Metën, dorëhiqet nënkryetari i Partisë së Lirisë Endrit Braimllari

Përplasjet me Metën, dorëhiqet nënkryetari i Partisë së Lirisë Endrit Braimllari

16 Prill, 18:38