POP 5

Lajmet më të lexuara të 5 minutave të fundit

Fundjavë me ‘pizza’ e muzikë napolitane në sheshin ‘Italia’, mes picajolëve nga Napoli, një i dashuruar me shqiptare: Na pëlqen Shqipëria dhe byreku

Në kuadër të Javës Italiane, këtë fundjavë në sheshin “Italia” ofrohen picat më të famshme napolitane. Muzikë italiane, “Pizza village” të përgatitura në çast e për t’u shijuar ulur, ishte gjithçka për të njohur këtë trashëgimi të kulinarisë.

Flamuri tringjyrësh, mbulon sheshin që mban emrin e shtetit fqinj, “Italia”...

Këtë fundjavë, Java Italiane, ka si kryefjalë kulinarinë, e sjell në Tiranë “Pizza village” nga Napoli, ndaj zyrtarët janë sportiv e fjalëpak, duke ja lënë vendin përgatitjes në çast e degustimit të picave.

“Mirë se erdhët në ‘Pizza Village’, është një nga ngjarjet më të rëndësishme nga 54 aktivitetet dedikuar Javës së Italisë , një nga eventet që kemi më përzemër. E megjithatë ky është nga ato raste që fjalët janë të tepërta ndaj ju ftoj të gjithëve të provoni picën italiane!”, thotë ambasadori i Italisë, Fabrizio Bucci.

Gjithçka nis me Margherita, picën që ideoi picajoli Raffaele Esposito i picerisë Brandi plot 133 vite më parë në Napoli... Domate, mocarelë e bazilikë, e me sekretet e përçuara brez pas brezi që picajolët e rinj napolitanë kujdesen të mos zbulojnë ndërkohë që ofrojnë picat falas...

I zgjedhur si ‘Best Food Festival’, mes 1 milionë organizimesh të ngjashme, Pizza Village prej 10 vitesh ndërmerr udhëtime të jashtëzakonshme në të gjithë botën duke promovuar këtë trashëgimi kulinare italiane.

“Arti i Picerisë italiane është njohur si pjesë e Trashëgimisë Kulturore Të Njerëzimit. Një vlerësim nga UNESCO  që na mbush me krenari, e përtej shakave, sekreti i picerisë italiane është në shpirtin e picajolit që e përgatit. Kështu që ju ftoj të gjithëve të vini në Napoli për të provuar picën e vërtetë dhe do të mbeteni të habitur!”, thotë Alessandro Marinaci, përfaqësues i “Pizza Village”.

Pak minuta pritje, muzikë italiane, dhe stolat përqark kuzhinës së improvizuar, për ta degustuar picën napolitane siç duhet... Edhe e  diela vijon me këtë shije, ndërsa Java italiane përfundon të martën...

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Sulmet e Metës ndaj SPAK, Lapardhaja: Diçka ka ndjerë! Nëse është çmendur aq më keq për të

Sulmet e Metës ndaj SPAK, Lapardhaja: Diçka ka ndjerë! Nëse është çmendur aq më keq për të

19 Prill, 12:58