Paraditen e djeshme, rreth orës 11:00 Policia e Korçës ndaluan në vendin e quajtur tek “Miniera e Petrushës” në aksin rrugor Pogradec – Korçë mjetin Alfa Romeo.
Në momentin e kontrollit drejtuesi i mjetit dhe një shtetas tjetër, i cili ishte bashkë me të në makinë janë larguar me vrap duke braktisur makinën. Policia ka gjetur brenda në bagazhin e makinës 53 kg e 865 gr. lëndë të dyshuar canabis sativa e cila ishte ndarë në 50 pako.
Policia thotë se ka identifikuar personat, në bazë të dokumenteve të mjetit dhe i ka shpallur në kërkim, por për arsye hetimi nuk bëhen të ditura.
Destinacioni i mjetit ishte në drejtim të qytetit të Korçës. Policia po punon për kapjen e autoreve të cilët akuzohen për ”Prodhim dhe shitje të narkotikëve”, parashikuar nga neni 283/2 i K.Penal.
Redaksia online
(sg/shqiptarja.com)
![](https://www.shqiptarja.com/template/img/sh_logo1.png)