POP 5

Lajmet më të lexuara të 5 minutave të fundit

Kultura

Korca nën tingujt e serenatës korçare dhe jaret shkodrane, turistët: Muzikë që mëson zemrën

Pazari  i Korcës këtë të shtunë ishte nën tingujt e serenatës korçare, por dhe asaj shkodrane. Qindra turistë midis tyre dhe të huaj në rrugët e kalldrëmta të Pazarit të vjetër sollën një mbrëmje vallëzimi, mes dashurisë dhe serenatës.

KORÇË- Mbrëmjen e së shtunës në sheshin e Pazarit të vjetër në Korcë, erdhën në një nate magjike, këngët himn të dashurisë, serenatat korçare dhe jaret e Shkodrës.

Dy qytetet vatra të kulturës, nën tingujt e muzikës së papërsëritshme të serenatave, dje sollën festë në Korçë. Qindra turistë midis tyre dhe të huaj në rrugët e kalldrëmta të Pazarit të vjetër sollën një mbrëmje vallëzimi, mes dashurisë dhe serenatës.

Kudo qoftë lindja e serenatës, Korçë apo Shkodër, për artistët pjesëmarrës e rëndësishme është të qenurit artistë dhe qytetarë të Korçës edhe Shkodrës. Arnold Kallecaj artisti i Shkodrës me besimin e plotë se serenatat kanë lindur në gjirin shkodran, shpreh kënaqësinë e dyfishtë të kënduarit serenatën shkodrane në një qytet si Korça.

"Normalisht Shkodra dhe Korça kemi qene një. Jam shumë i lumtur që ndodhem këtu e të luajmë disa këngë korçare", tha Kallecaj.

Korçari Miron Kotani shprehet se serenatat janë një vlerë e shtuar e vendit tonë.

"Korça është djepi i kulturës dhe është shumë mirë që këto aktivitete të vazhdojnë dhe të krijojnë kulturën e përvitshme. Më vjen mirë që Korça është kthyer në qytetin ku këndohet 'Live'", u shprehKotani.

Në magjinë e mbrëmjes së djeshme edhe grupet e huaja, ndjenë e shijuan tingujt serenatist.

"Unë vij nga Holanda dhe po e shijoj shumë këtë mbrëmje. Më pëlqen shumë muzika këtu, është muzikë që mëson zemrën", tha një turist i huaj.

Lidhja mes Korçës dhe Shkodrës është e hershme e veçanërisht për serenatat.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

26 Dhjetor, 19:20