KORCE- Një 30 vjeçar banues në lagjen nr 6 të qytetit të Korçës rezulton të jetë i zhdukur prej 5 ditësh. E ëma denoncoi sot në polici dhe më pas në media zhdukjen e djalit të saj, Armando Abdullai, (ne foto). Gruaja dëshmoi se i biri kishte vetëm pak ditë që ishte kthyer nga Greqia dhe jepte para me interes. Madje para zhdukjes kishte tërhequr një shumë prej 14 milionë lekë të vjetra nga të ardhurat familjare. Menjëherë pas denoncimit policia nis hetimet.
(sg/shqiptarja.com)