TIRANE- Godina që shikoni në foto është objekti që ka çuar në pranga të zotin e saj, dy ditë më parë, në qytetin e Korçës. Pronari, i cili është një shqiptaro-amerikan, është vënë në pranga pasi ka kërcënuar me jetë kryetarin e bashkisë së Korçës, Sotiraq Filo, kërcënim që mësohet se është kryer disa herë kohëve të fundit. Burri, i cili sipas policisë është i moshës, 59 vjeç, ka qëndruar prej më shumë se dy dekadash në Amerikë dhe të gjitha kursimet e punës së tij, pretendon se i ka hedhur në godinën, që tashmë pritet t’i shembet, pasi në atë lagje, bie një plan rregullues territori.