POP 5

Lajmet më të lexuara të 5 minutave të fundit

Bota

Koreja e Jugut do të blejë 20 avionë luftarakë nga SHBA

Koreja e Jugut njoftoi se ka nënshkruar kontratë me Qeverinë e SHBA-së për blerjen e 20 avionëve luftarakë F-35A. Agjencia e Programit të Furnizimit të Mbrojtjes së Koresë së Jugut (DAPA) tha se blerja e avionëve po realizohet si përgjigje e “kërcënimeve ushtarake në rritje” të Koresë së Veriut, raportoi agjencia e lajmeve “Yonhap”

Koreja e Jugut do të blejë 20 avionë luftarakë nga SHBA

Avion luftarak

Koreja e Jugut njoftoi se ka nënshkruar kontratë me Qeverinë e SHBA-së për blerjen e 20 avionëve luftarakë F-35A. Agjencia e Programit të Furnizimit të Mbrojtjes së Koresë së Jugut (DAPA) tha se blerja e avionëve po realizohet si përgjigje e “kërcënimeve ushtarake në rritje” të Koresë së Veriut, raportoi agjencia e lajmeve “Yonhap”.

Në njoftimin për media thuhet se kontrata për blerjen e 20 avionëve luftarakë F-35A, të prodhuar nga kompania amerikane e mbrojtjes Lockheed Martin, është nënshkruar me qeverinë amerikane më 8 dhjetor, raporton media turke Anadolu.

Dorëzimi i avionëve do të fillojë në vitin 2027. Avionët kanë radarë të avancuar me performancë të lartë dhe karakteristika më të mira sigurie në krahasim me avionët ekzistues në inventarin e Koresë së Jugut.

Koreja e Jugut bleu 40 avionë F-35A në periudhën 2019-2022 dhe nxori nga përdorimi një avion që u dëmtua rëndë në përplasja me një tufë zogjsh në fillim të dhjetorit.

Agjencia e Sigurisë së Mbrojtjes dhe Bashkëpunimit (DSCA) e Departamentit Amerikan të Mbrojtjes (Pentagon) njoftoi më parë se Departamenti Amerikan i Shtetit miratoi shitjen e 25 avionëve luftarakë F-35A Koresë së Jugut, përfshirë municione, pajisje mbështetëse dhe personel trajnimi me vlerë 5.06 miliardë dollarë si dhe u miratua shitja e 26 motorëve F-135-PW-100.

 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46