Koreja e Veriut në krizë për ushqime, Kim Jong-un paralajmëron qytetarët: Hani më pak deri në 2025 deri kur të rihapet kufiri me Kinën

Koreja e Veriut po përballet me një mungesë ushqimesh për shkak të mbylljes së kufirit me Kinën për shkak të pandemisë së koronavirusit. Kjo mungesë ka bërë që lideri suprem, Kim Jong-un të paralajmërojë qytetarët që duhet të hanë më pak ushqim deri në vitin 2025, pra për të paktën 3 vite, kohë kur është parashikuar që të rihapet edhe kufiri me Kinën.

Qytetarët koreano-veriorë janë të shqetësuar mbi këtë situatë, sipas tyre do ta kenë shumë të vështirë ta përballojnë, sidomos periudhën e dimrit.

"Mungesa e ushqimit është një emergjencë. Kur autoritetet u thonë atyre se duhet të konservojnë dhe konsumojnë më pak ushqim deri në vitin 2025, ata nuk mund të bëjnë gjë tjetër veçse të ndjejnë dëshpërim të madh”, tha një qytetar.

LEXO EDHE:
Kina dhe Koreja e Veriut synojnë një 'kapitull të ri' bashkëpunimi mes tyre

Nga janari i 2020 Korja e Veriut mbylli kufirin me Kinën, si masë për të parandaluar përhapjen e COVID-19. Mirëpo kjo masë goditi ekonominë e Koresë së Veriut, ku çmimet e mallrave u rritën ndjeshëm pasi kërkesa nga qytetarët tejkaloi ofertën.

SI.E./Shqiptarja.com

TAG:
• Kine
• kim jong un
• Koreja e veriut
• Koronavirus