POP 5

Lajmet më të lexuara të 5 minutave të fundit

Bota

Koreja e Jugut synon ta lëshojë satelitin e parë spiun në fund të këtij muaji

Koreja e Jugut tha të hënën se synon ta lëshojë satelitin e parë spiun të ndërtuar nga dora e vet në fund të këtij muaji, në mënyrë që ta vëzhgojë më mirë Korenë e Veriut, e cila po e rrit arsenalin e armëve bërthamore

Koreja e Jugut synon ta lëshojë satelitin e parë spiun në fund të këtij muaji

Ushtria e Koresë së Jugut lëshon disa raketa gjatë stërvitjeve të përbashkëta me ushtrinë amerikane në Seungjin, Korenë e Jugut, 25 maj 2023.

Koreja e Jugut tha të hënën se synon ta lëshojë satelitin e parë spiun të ndërtuar nga dora e vet në fund të këtij muaji, në mënyrë që ta vëzhgojë më mirë Korenë e Veriut, e cila po e rrit arsenalin e armëve bërthamore.

Vetëm pak ditë më parë, Koreja e Veriut dështoi në zotimin e saj për të tentuar për herë të tretë ta lëshojë satelitin gjurmues në tetor, me gjasë për shkak të telasheve teknike.

Jeon Ha Gyu, zëdhënës i Ministrisë së Mbrojtjes të Koresë së Jugut, tha të hënën se sateliti i parë spiun i ushtrisë së vendit do të lëshohet nga Baza e Forcave Ajrore të Kalifornisë, Vadenberg, më 30 nëntor.

Sateliti do të bartet nga raketa Falcon 9 e kompanisë SpaceX. Në kontratën e saj me SpaceX, Koreja e Jugut planifikon t’i lëshojë edhe katër satelitë spiunë deri në vitin 2025, sipas Ministrisë së Mbrojtjes së Koresë së Jugut.

Koreja e Jugut nuk ka satelitë të vet spiunë dhe varet nga satelitet spiunë të Shteteve të Bashkuara për t’i vëzhguar lëvizjet e Koresë së Veriut.

Agjencia e spiunazhit e Koresë së Jugut tha para ligjvënësve se Koreja e Veriut me gjasë po merr mbështetje teknologjike nga Rusia për programin e vet të lëshimit të sateliteve spiunë.

Shërbimi Kombëtar i Inteligjencës tha se Koreja e Veriut është në fazën finale të përgatitjeve për lëshimin e tretë, i cili mund të jetë i suksesshëm, sipas tij.

Koreja e Jugut, Shtetet e Bashkuara dhe qeveritë e tjera të huaja besojnë se Koreja e Veriut po kërkon armë të sofistikuara teknologjike nga Rusia për t’i modernizuar programet e veta të armatimit, në këmbim të furnizimit të Rusisë me municion, raketa dhe pajisje të tjera ushtarake për luftën e saj në Ukrainë. Rusia dhe Koreja e Veriut i kanë hedhur këto pretendime./REL

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46