Koreja e Veriut ka dënuar deklaratën e samitit të NATO-s të mbajtur në Uashington, përmes së cilës u dënuan eksportet e armëve verikoreane në Rusi. Pheniani e quajti këtë dokument “të paligjshëm”, raportoi media shtetërore verikoreane më 13 korrik.
Në deklaratën e përbashkët të lëshuar këtë javë, liderët e NATO-s kritikuan Korenë e Veriut për ndihmën që i ofron luftës së Rusisë kundër Ukrainës “duke i ofruar mbështetje direkte ushtarake” Moskës.
Liderët e NATO-s po ashtu shprehën “shqetësim të thellë” lidhur me mbështetjen që Kina i ofron Rusisë.
Pheniani vazhdimisht mohon pretendimet se i dërgon armë Rusisë, por në qershor lideri verikorean, Kim Jong Un, dhe presidenti rus, Vladimir Putin, nënshkruan një marrëveshje që përfshin edhe zotimin se shtetet do të ndihmojnë njëri-tjetrin nëse ndonjëri do të sulmohej.
Media shtetërore në Korenë e Veriut tha se Ministria e Jashtme e shtetit “dënon dhe refuzon fuqishëm” deklaratën e NATO-s.
Duke cituar një zëdhënës i Ministrisë, KCNA raportoi se deklarata “nxit një Luftë të re të Ftohtë dhe konfrontim ushtarak në shkallë globale” dhe kërkon “një forcë të re dhe mënyrë të re kundërveprimi”.
Në margjinat e samitit të NATO-s, Seuli dhe Uashingtoni gjatë kësaj jave nënshkruan një udhëzues për sistemin e integruar të parandalimit në Gadishullin Korean për të zmbrapsur kërcënimet bërthamore dhe ushtarake që vijnë nga Koreja e Veriut.
Zyra e Presidentit në Korenë e Jugut tha se Seuli dhe Uashingtoni do të kryejë stërvitje të përbashkëta ushtarake për të ndihmuar në zbatimin e udhëzuesit të ri, që formalizon dislokimin e aseteve bërthamore të SHBA-së në dhe përreth Gadishullit Korean për të parandaluar dhe për t’iu përgjigjur sulmeve të mundshme bërthamore nga Pheniani.
Në një deklaratë të ndarë të publikuar po të shtunën, Ministria e Mbrojtjes e Koresë së Veriut akuzoi Seulin dhe Uashingtonin se me nënshkrimin e udhëzuesit, ata “qëllimshëm po rrisin përgatitjet e tyre për një luftë bërthamore” kundër Veriut.
Raportet mes dy Koreve janë në pikën më të ulët ndër vite, teksa Pheniani ka intensifikuar testimin e armëve dhe është afruar më shumë me Rusinë./REL
Lajme të tjera
-
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
Shqipëria dërgon ushtarë në komandën e NATO-s për të trajnuar forcat e Armatosura të Ukrainës
18 Dhjetor, 18:08 -
Medvedev kërcënon zyrtarët e NATO-s, pas vrasjes së gjeneralit rus
18 Dhjetor, 16:43 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
Shefi i NATO-s për sulmin në Ibër-Lepenc: Përgjegjësit të sillen para drejtësisë
16 Dhjetor, 18:25 -
Detajet nga mbledhja e Kuvendeve Shqipëri-Kosovë më 20 dhjetor, në fokus koordinimi i agjendës kombëtare
16 Dhjetor, 10:46
