POP 5

Lajmet më të lexuara të 5 minutave të fundit

Bota

Koreja e Veriut kryen një provë me raketa balistike me rreze të shkurtër veprimi

Raketat u hodhën rreth orës 7:30 të mëngjesit të martën nga Provinca Hwanghae në Korenë e Veriut, tha Shefi i ushtrisë koreanojugore. Ai shtoi se Seuli po ndante informacionet mbi këtë zhvillim me Shtetet e Bashkuara dhe Japoninë dhe po vëzhgonte nga afër provat me raketa të Phenianit.

Koreja e Veriut kryen një provë me raketa balistike me rreze të shkurtër veprimi

Testim i raketës balistike

Koreja e Veriut lëshoi disa raketa balistike me rreze të shkurtër veprimi në drejtim të detit në lindje të Gadishullit Korean, tha të martën Shefi i Shtatmadhorisë së Koresë së Jugut.

Raketat u hodhën rreth orës 7:30 të mëngjesit të martën nga Provinca Hwanghae në Korenë e Veriut, tha Shefi i ushtrisë koreanojugore. Ai shtoi se Seuli po ndante informacionet mbi këtë zhvillim me Shtetet e Bashkuara dhe Japoninë dhe po vëzhgonte nga afër provat me raketa të Phenianit.

Lëshimi i raketave të Koresë së Veriut u njoftua edhe nga qeveria japoneze. Roja bregdetare e Japonisë tha se një raketë balistike e lëshuar nga Koreja e Veriut kishte rënë tashmë oqean dhe kanali japonez NHK raportoi se dukej se ajo kishte rënë jashtë zonës ekskluzive ekonomike të Japonisë në oqean.

Lëshimi i raketave pason provën e fundit të Koresë së Veriut javën e kaluar me një rakete të re balistike ndërkontinentale të quajtur “Hwasong-19” dhe vjen disa orë para hapjes së qendrave të votimit për zgjedhjet presidenciale në Shtetet e Bashkuara.

Media shtetërore e Koresë së Veriut, KCNA publikoi të martën një raport në të cilin Kim Yo Jong, motra e udhëheqësit të vendit, Kim Jong Un, dënoi stërvitjet e fundit ushtarake nga Shtetet e Bashkuara, Japonia dhe Koreja e Jugut, duke thënë se ato janë një kërcënim për vendin dhe justifikojnë përforcimin me armë bërthamore të Koresë së Veriut.

Ministri i Mbrojtjes i Koresë së Jugut, Kim Yong-hyun, vuri në dukje në fund të muajit të kaluar se Koreja e Veriut "do të dëshironte të ekzagjeronte ekzistencën e saj para, gjatë dhe pas zgjedhjeve presidenciale në Shtetet e Bashkuara" duke demonstuar fuqinë e saj ushtarake përmes një prove me raketa balistike ndërkontinentale apo me një provë tjetër bërthamore./ VOA

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Lajçak bisedon me liderët e Ballkanit për integrimin e tyre në BE

Lajçak bisedon me liderët e Ballkanit për integrimin e tyre në BE

24 Janar, 09:19