Koronavirusi, 71 vdekje të tjera në Kinë për një total prej 2669 viktimash, 80 150 numri i përgjithshëm i të infektuarve

71 persona të tjerë vdiqën në Kinë nga koronavirusi në 24 orët e fundit duke arritur në total 2,669 vdekje në territorin kinez. Po dje janë identifikuar më shumë se 500 raste të reja të infektuar për një total prej 80 150 personash.

Përhapja e infeksionit është shfaqur më shumë në krahinën Hubei, aty ku dhe lindi, kurse në pjesën tjetër të vendit numri i personave të prekur është ulur për të katërtën ditë radhazi.

Ndërkohë situata në Korenë e Jugut vazhdon të jetë e rëndë. 60 të identifikuarit të infektuar e kanë rritur në rreth 900 numrin total të të prekurve nga koronavirusi.

Në tragetin Diamond Princess me spirancë të hedhur në ujrat e yokohama numri i viktimave ka shkuar në katër kurse në Japoni deri tani numërohen 850 të infektuar, perfshi 690 pasagjerët e anijes që rezultuan pozitiv nga analizat.

Në Iran, sipas agjencisë ISNA numri i të vdekurve vetëm në qytetin Qom ka shkuar në 50 por autoritetet hedhim poshtë njoftimin duke deklaruar vetëm 12 viktima dhe 61 të imfektuar.

Lajmi kryesor:

Shkon në 11 numri i viktimave nga koronavirusi në Itali/ OBSH: S'ka vend për alarm, epidemia nën kontroll! SHBA: Vaksina gati në korrik (VIDEO)

TAG:
• itali
• Giuseppe Conte
• Koronavirus