POP 5

Lajmet më të lexuara të 5 minutave të fundit

Kronikë

Koronavirusi/ Policia mbyll mbi 500 lokale në të gjithë Shqipërinë, palestra, bilardo e diskoteka (VIDEO)

Në zbatim të këtij telegrami, prej  mbrëmjes së djeshme, mbi 215 Patrulla të Përgjithshme të Policisë u angazhuan për zbatimin e këtyre masave.

TIRANË - Qindra lokale, palestra, bilardo e disko janë mbyllur nga policia në orët e mbrëmjes, pasi nuk respektuan rregullat e reja të qeverisë pas rasteve pozitive me koronavirus në vendin tonë. 

Të gjitha diskotekat, palestrat dhe ambientet e mbyllura me shumë njerëz, do të qëndrojnë të mbyllura deri më 3 prill. Ndërkohë baret e mbyllura nga Policia, janë ato që nuk kanë respektuar rregullat e reja duke mbajtur tavolinat 2 metra larg njëra-tjetrës dhe karriget 1 metër distancë.

Në të gjithë vendin u mbyllën gjatë mbrëmjes së djeshme 522 lokale dhe bare, 29 palestra, 65 bilardo, 21 disko e pube dhe 18 lokale me muzike live.

Në zbatim të masave për moslejimin e grumbullimeve masive në ambiente të hapura apo të mbyllura, me qëllim parandalimin e përhapjes së coronavirusit, Drejtori i Përgjithshëm i Policisë së Shtetit u ka dërguar një telegram të gjitha Drejtorive Vendore të Policisë në Qarqe, për mbylljen e menjëhershme të lokaleve të natës, pubeve, diskove, palestrave e lokaleve ku ka grumbullimeve masive.

Në zbatim të këtij telegrami, prej  mbrëmjes së djeshme, mbi 215 Patrulla të Përgjithshme të Policisë u angazhuan për zbatimin e këtyre masave.

"Strukturat e Policisë së Shtetit do të bashkëpunojnë me Inspektoratin Shtetëror Shëndetësor, Institutin e Shëndetit Publik, Njësitë e Qeverisjes Vendore, Prefektët e Qarqeve dhe institucionet e tjera shtetërore që i ngarkon ligji. Policia e Shtetit kërkon mirëkuptimin e pronarëve të lokaleve që të zbatojnë pa asnjë hezitim urdhrat e përcjella nga punonjësit e Policisë dhe të mos i kundërshtojnë ato, pasi moszbatimi i tyre do shoqërohet me penalitete ligjore", thuhet në një njoftim të policisë.

Ndërkohë, ka edhe nga ato lokale që edhe pse nuk e kanë të detyrueshme të mbyllen, kanë zgjedhur të ndërgjegjësohen duke u mbyllur lokalet deri më 3 prill, ndoshta kjo edhe për shkak se mund të mos kenë hapësira për të respektuar distancën 2 metra nga njëra tavolinë tek tjetra.

1583911739_sensibilizimlokalet001.jpg

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • TONI TIRANE: 11/03/2020 13:02

    Kishte gje para dy javesh a i vrare. Ju kruajt njerit dhe vajti ne Italy prandaj. Evgjitet do shfarosen te gjithe se nuk laheni ju

    Përgjigju
  • Cingoja efgjiti vlonjat Cingapoku: 11/03/2020 12:10

    Tani qe u erdhi veza ne by... tani po veprojne. Pse nuk e bete kete gje para dy javesh?

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Këngëtarja e njohur shqiptare kërkon armatosjen e vajzave: Të mbrohemi, askush s'do t'ia dijë për ne

Këngëtarja e njohur shqiptare kërkon armatosjen e vajzave: Të mbrohemi, askush s'do t'ia dijë për ne

19 Prill, 18:10