Koronavirusi/ Propozimi i KE-së: Ekstrakomunitarët (përfshirë shqiptarët) të mos lejohen që të hyjnë në vendet e BE-së për 30 ditë

Koronavirusi/ Propozimi i KE-së: Ekstrakomunitarët (përfshirë shqiptarët) të mos lejohen që të hyjnë në vendet e BE-së për 30 ditë

BRUKSEL-Presidentja e Komisionit Europian Ursula von der Leyen ka propozuar një vendim drastik për të bllokuar hyrjet (jo të domosdoshme) në vendet e Bashkimit Europian të të gjithë ekstrakomunitarëve, përfshirë edhe shqiptarët. "U propozoj krerëve të shteteve dhe qeverive të vendosin kufizime të përkohshme për udhëtimet" tha von der Leyen. "Këto kufizime duhet të qëndrojnë në fuqi, të paktën fillimisht, për një periudhë prej 30 ditësh, por ato mund të zgjaten nëse është e nevojshme" vijoi më tej Presidentja e KE-së.

Përjashtim bëjnë familjarët rezidentë, mjekët, diplomatët dhe studiuesit e angazhuar në betejën kundër koronavirusit. Tashmë pritet që të shikohet nëse kufizimet e propozuara nga Komisioni Evropian mund të miratohen në nivelin më të lartë politik në samitin e jashtëzakonshëm të krerëve të shteteve dhe qeverive, të planifikuar për të Martën 17 Mars me telekonferencë, dhe më pas të ratifikohen zyrtarisht ditën tjetër në Këshillin e Ministrave të Transporteve.

Von der Leyen gjithashtu u ka bërë thirrje Gjermanisë dhe vendeve të tjera anëtare që dëshirojnë të mbyllin kufijtë e tyre të brendshëm të BE. Komisioni Evropian deklaron se "Shtetet anëtare duhet të mbrojnë lëvizjen e lirë të të gjitha mallrave, në veçanti, ata duhet të garantojnë zinxhirin e furnizimit të produkteve thelbësore, siç janë ilaçet, pajisjet mjekësore dhe ushqimin". Për momentin, përveç Gjermanisë, Austria, Hungaria, Republika Çeke, Danimarka, Polonia, Lituania dhe (Zvicra jo në BE) kanë njoftuar Brukselin për kërkesën për mbylljen e kufijve të brendshëm me vendet e tjera të BE-së.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Geni: 16/03/2020 18:16

    Aman vetem ju mos dilni se nuk hic nuk dona me hi ne BE

    Përgjigju
    • Italia: 16/03/2020 20:39

      Te lumt e Gen

  • Timi: 16/03/2020 17:43

    Nuk na mbetet hatri. Le te marrin italianet dhe spanjollet

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja