Koronavirusi/ Rënie rekord e çmimit të naftës në SHBA

Çmimet e naftës së papërpunuar në SHBA ranë në nivelin më të ulët në histori, për shkak të rënies së kërkesës si pasojë e pandemisë së koronavirusit.

Nafta e papërpunuar e llojit West Texas Intermediate (WTI) për livrim në muajin maj ra në nivelin më të ulët në histori, duke kaluar madje në shifra negative, -40 dollarë për fuçi.

Në fillim të vitit 2020, një fuçi naftë WTI kushtonte rreth 60 dollarë.

LEXO EDHE:
Shqipëri, zhvillimet në vitin 2024, SPAK protagonist

Fenomeni i çuditshëm i çmimit negativ u ndikua gjithashtu nga mënyra se si përcaktohet vlera e naftës në treg.

Tregtarët paguajnë çmime të ndryshme në varësi të shkallës së naftës së papërpunuar, zona se nga nxirret dhe data në të cilën është e destinuar të livrohet. Zakonisht, këto dallime janë të vogla, por të hënën ato ishin të mëdha pasi edhe lëkundjet e çmimit ishin të pazakonta.

Kontratat për muajin maj të naftës bruto WTI që skadojnë të martën u goditën më së shumti, pasi kanë të bëjnë me karburantin që do të livrohet në një kohë kur pjesa më e madhe e vendit është e mbyllur për shkak të koronavirusit.

Fakti që çmimi i kësaj nafte ra nën zero, nënkupton në thelb se ajo naftë nuk ka vlerë, pra njerëzit që e kanë për ta shitur janë të gatshëm të paguajnë që dikush tua marrë falas.

Llojet e tjera të naftës së papërpunuar nuk patën rënie në këto nivele.

Nga rafineritë dhe rezervuarët amerikanë të naftës ka pak kërkesë dhe cisternat e ruajtjes janë mbushur në kapacitetin e tyre të plotë.

Disa analistë thonë se çmimet do të vazhdojnë të jenë nën presion.

Pandemia e koronavirusit i ka dhënë një goditje të fortë aktivitetit ekonomik në mbarë botën dhe ka ulur ndjeshëm kërkesën për naftë. Në fillim të këtij muaji OPEC-u dhe aleatët e tij prodhues të naftës arritën një marrëveshje historike për të ulur prodhimin me 9.7 milion fuçi në ditë duke filluar nga 1 maji. Por shumë analistë thonë se kjo nuk do të jetë e mjaftueshme.

Me rënien jashtëzakonisht të shpejtë të kërkesës botërore, vendet dhe kompanitë prodhuese e kanë të pamundur të përballojnë ritmin e shkurtimit të prodhimit.

Kjo po krijon sasi gjigande nafte që nuk tregtohet, duke sjellë shqetësime se blerësit do ta kenë fizikisht të pamundur ta ruajnë atë nëpër cisterna./VOA

TAG:
• SHBA
• Koronavirus
• Renie e çmimit te naftes

Sondazhi i ditës:

Si e vlerësoni punën e qeverisë gjatë vitit 2024?

• Pozitivisht

  63.5%

• Negativisht

  28.3%

• Nuk kam mendim

  8.2%

Vota total: 1712

Votat totale janë unike

• Sondazhi i ditës:

  Si e vlerësoni punën e qeverisë gjatë vitit 2024?

  Pozitivisht Negativisht Nuk kam mendim