Koronavirusi, rritet në tetë numri i viktimave në Greqi nga infeksioni. Mbyllen biznese dhe shërbime tregtare

Në Greqi numri i viktimave për shkak të koronavirusit ka shkuar në tetë kurse të prekurit nga infeksioni numërohen në 464.

 Mësohet se pak minuta më parë, humbi jetën një 80-vjeçar, në spitalin Papamakaristos në Athinë. Viktima kishte komplikacione nga sëmundje të tjera.

Aktualisht në Greqi ka 464 të infektuar, në një kohë kur qeveria vazhdon shtrëngimin e masave sa i takon frenimit të përhapjes së mëtejshme të Covid-19 në vend.

Nga e mërkura janë mbyllur të gjitha bizneset në vend, me përjashtim të supermarketeve, farmacive, furrave, pikave të shumicës me ushqime, karburanteve dhe bankave.

Ndërkohë do të mbeten të hapura portet dhe aeroportet, si dhe urbanet, linjat interurbane, taksitë dhe metroja e Athinës.

Lajmi kryesor:

Mbi 10 mijë të vdekur në botë nga koronavirusi, zero të infektuar në Wuhan! Ditë e zezë për Italinë, 627 viktima në 24 orë

TAG:
• SHBA
• Kina
• kaliforni
• Wuhan
• Pandemia e koronavirusit