POP 5

Lajmet më të lexuara të 5 minutave të fundit

Kronikë

Koronavirusi/1800 telefonata në ditë te '127'! Brataj: S'ka njeri me grip që nuk ka telefonuar...procedurat që ndiqen (VIDEO)

Viktimat e regjistruara në Italinë fqinje nga koronavirusi ka shtuar interesin e qytetarëve shqiptarë për të kapur në kohë çdo simptomë të mundshme nga ky virus, për këtë arsye telefonant në nurmin e urgjencës 127 kanë pësuar një rritje me 40-50%.

TIRANË- Viktimat e regjistruara në Italinë fqinje nga koronavirusi ka shtuar interesin e qytetarëve shqiptarë për të kapur në kohë çdo simptomë të mundshme nga ky virus, për këtë arsye telefonatave në nurmin e urgjencës 127 kanë pësuar një rritje me 40-50% ditët e fundit. Shefi i Ugjencës, Skënder Brataj në një intervistë për Report Tv bëri me dije se të shumtë kanë qenë qytetarët të cilët ndonëse nuk kanë qenë në zoat e prekura që kanë telefonuar pasi kanë pasur kollë apo temperaturë, simptoma këto të gripit të stinës.

"Nuk ka njeri me grip që nuk ka telefonuar, edhe ato që nuk kanë shkuar gjëkundi, po thonë "mund ta kenë marrë". Po si mund ta marrësh në Skrapar apo në Tropojë kur s'ke pasur asnjë kontakt", tha Brataj.

Duke u ndalur në gjuhën e shifrave, në numrin e vënë në dispozicion brenda tre ditëve të fundit ka pasur rreth 1700-1800 telefonata në ditë, teksa mësohet se ato ndahen më pas në grupe, sipas rekomandimeve të OBSH.

"Puna tre ditët e fundit është rritur shumë me 40-50%, 1500 thirrje në ditë, këto ditë kemi pasur mbi 1700-1800, që kuptohet i referohen situatës ku jetojmë. I kemi ndarë sipas OBSH, kush është rast i dyshuar, që duhet të trajtohet dhe kush është rast që duhet të këshillohet", bëri me dije Brataj.

Duke vënë theksin edhe një herë se nuk ka persona të prekur në Shqipëri dhe se vendi ynë i ka të gjitha kapacitet për ta përballuar, Brataj ka shpjeguar të gjithë procedurën e qytetarëve që vijnë nga zona si Italia, apo shtete të tjera ku ka pasur persona të infektuar.

"Çdo rast që vjen nga Italia, nga zonat e prekura dhe që ka shenja dhe simptoma, brenda 14 ditëve konsiderohet si rast i dyshuar. Kur kanë simptoma lehta, u bëhet tamponi dhe brenda 6-12 orë u kthehet përgjigja. Kur nuk kanë shenja, që vijnë nga këto zona, të vetëkarantinohet.

Shumë veta na marrin për të qenë të sigurt. Njerëzit që kanë qenë në këto, por nuk kanë shenja dhe simptoma nuk jep rezultat, se duhet të jepen sipmtoma. Prandaj duhet të vetëizolohen, të rrinë në një ambient të ventiluar, të jetojnë në një zonë larg familjarëve, të dizifektojnë të gjitha orenditë me të cilat punojnë dhe të presin 14 ditë. Nëse nuk do të shfaqen simptona, nuk është infektuar.

Të gjitha rastet që vijnë nga këto zona, ne po i skedojmë duke mbajtur dhe një numër kontakti, shfaqin ose jo simptoma. Personat që bëjnë tamponin detyrimisht kemi kontakt, se kanë simptoma, a ajanë përmirësuar apo jo. 80% e tyre kalojnë formën e lehtë, nuk kanë nevojë të shtrohen në spital. Për rastet e tjera, ekipet tona do i marrin t'i shoqërojnë në spital.

Ne nuk kemi të identifikuar asnjë rast, janë shtuar masat për monitorimin e pikave kufitare. Nëse ka qytetarë që vijnë nga zonat e prekura, konsiderohet rast i dyshuar, dhe nëse ka shenja që në aeroport do të ndalohet që aty në zonën e izolimit, njoftohet 127 që do të bëjnë transportin drejt infektivit. Nëse nuk kanë shenja dhe simptoma, por u këshillohet autokarantinimi 14 ditor. Filtri i dytë, kur merr nga banesa qytetari dhe që aty ndërhyn rasti i dyshuar, do u merret tamponi nëse ka shenja të lehta, nëse shumë sipmtoma do merret nga spitali. Nëse do kemi me shenja të rënda do të dërgohet në spital. Në rast se dikush do të shfaq simptoma, do izolohen dhe anëtarët e tjerë të familjes", tha ai.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43