Koronavirusi-‘Qëndron në shtëpi’, apeli i Arnold Schwarzenegger në shoqërinë e kafshëve të tij të veçanta

Arnold Schwarzenegger po i kalon këto ditë emergjence shëndetësore në shoqërinë e kafshëve të tij të veçanta, një kalë i vogël i quajtur Whisky dhe një gomar me emrin Lulu.

72 vjeçari Schwarzenegger, i cili ka qenë gjithashtu edhe guvernator i Kalifornisë ka inkurajuar amerikanët të qëndrojnë në shtëpi, sipas rregullave të vendosura nga shteti i Kalifornisë. Ai ka dhënë edhe shembullin e tij duke qëndruar në shtëpi i shoqëruar nga dy kafshët e tij të preferuara.

Ai gjithashtu ka postuar në faqen e tij në rrjetet sociale një video ku ai shpjegon se si duhet t’i lani duart.

Në mesazhin e tij Arnold Schwarzenegger shkruan: Qëndroni në shtëpi sa më shumë që të jetë e mundur. Dëgjoni ekspertët, injoroni idiotët. Së bashku do tja dalim. Askush nuk duhet të dalë nga shtëpia. Unë me kafshët e mia edhe në këto kushte jam i lumtur.

Qendra për Parandalimin dhe Kontrollin e Sëmundjeve në SHBA u njoftoi Amerikanëve që të shmangnin tubimet me më shumë se 50 njerëz për tetë javë, mbylljen e bareve, restoranteve, kinemave dhe teatrove në New York dhe Kaliforni.

Lajmi kryesor:

Mbi 10 mijë të vdekur në botë nga koronavirusi, zero të infektuar në Wuhan! Ditë e zezë për Italinë, 627 viktima në 24 orë

TAG:
• SHBA
• Kina
• kaliforni
• Wuhan
• Pandemia e koronavirusit