POP 5

Lajmet më të lexuara të 5 minutave të fundit

Kronikë

Korsitë e biçikletave në Tiranë, projekti i studios holandeze parashikoi 52 km, Bashkia: Kemi ndërtuar 33 km korsi deri tani

Ndërtimi i korsive të biçikletave në kryeqytet ka sjellë lehtësira për adhuruesit e dy rrotakëve. Drejtori i Transportit në bashkinë Tiranë Enton Panavia thotë se nga projekti për 52 kilometra, janë ndërtuar 33 kilometra korsi biçikletash.

Në karantinë, mungesa e transportit shtoi më tepër përdorimin e biçikletave në kryeqytet. Bashkia e Tiranës në bashkëpunim me një studio holandeze ka hartuar një studim i cili parashikon ndërtimin e 52 kilometra korsi biçikletash, e deri tani sipas drejtorit të transportit pranë Bashkisë Enton Panavias janë ndërtuar 33 km.

“Bashkia e Tiranës bëri një projekt të plotë lidhur me korsitë e biçikletave me asistencën e një studioje holandeze dhe ishin planifikuar 52 km për t’u ndërtuar në qytetin e Tiranës. Jo vetëm thjeshtë për t’u ndërtuar si korsi biçikletash me sinjalistikë por për të ndërtuar korsi biçikletash të cilat janë të sigurta, ashtu siç ju i keni parë dhe i keni shembull në qytet sot. Le të themi që deri tani përafërisht janë ndërtuar 33 km të korsive të biçikletave dhe pjesa tjetër është e planifikuar në vijim pasi janë rrugë të cilat kërkojnë vlerësim të shumë detajeve dhe kushteve të sigurisë lidhur me kryqëzime apo dhe kushteve të kapacitetit të rrugës përsa i përket mënyrës se si do të menaxhohet trafiku.” - tha Panavia

Panavia tha se gjatë kësaj periudhe pas ndërtimit të korsive të biçikletave, fokusi është tek siguria rrugore por edhe vijimi i promovimit të përdorimit të dyrrotakëve. Ndërsa projekti i ardhshëm është ndërtimi i stacioneve të biçikletave.

“Edhe një element tjetër shumë i rëndësishëm është dhe promovimi i lëvizjes me biçikleta. Dhe ky promovim ka një element të saj që janë stacionimet e biçikletave. Përgjatë gjithë kësaj periudhe ne nuk kemi bërë pengesë. I kemi trajtuar me shpejtësi të gjitha kërkesat e institucioneve të ndryshme, subjekteve të ndryshme të cilat kanë kërkuar stacionime biçikletash pranë vendqëndrimeve të tyre në rrugë apo në vend parkimi. Për këtë, deri tani jemi duke e vlerësuar dhe do të jetë në vijim jo vetëm sipas kërkesës së subjekteve të ndryshme por do të jetë një projekt i plotë lidhur me stacionimet e biçikletave” - deklaroi Panavia.

Korsit e biçikletave

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • andi: 06/12/2020 22:32

    mezi presim te vije pasardhesi i ketij plehut ti zhduki korsite e pavlerave te bicikletave. bicikleta eshte mjet sporti e jo transporti. ne hollande e perdorin nga zorbelaja nderkohe qyteti jone do parkingje dhe rruge te gjera. don korsi emergjence dhe nje pleh (si lali) me pak

    Përgjigju
  • Turi: 06/12/2020 19:34

    Tirana duhet te kete 8 parkingje te medha me kate,,me pagesa simbolike per makinat sepse rruget po zihen nga korsite e bicikletave,,,erioni ka pasur dhe nje mundesi tjeter ,,qe te bente parkimin e makinave ne rruge me pagese 1000 leke/ora dhe te bente korsine e bivikletave ne rruge...keshtu sic e ke bere erion as makina e pastrimit nuk arrin dot te hyje ne cepat e rruges se nuk e lene ata shkopinjte plastik...

    Përgjigju
  • RROTALIBRI: 06/12/2020 19:03

    Korsia ma e sigurte e bicikletave ne Tirane qe ke pak ma shume siguri per jeten asht si rasti i trotuarit tek Lana,rruga e Kavajes dhe bulevardi Zogu i Pare,pra kur ngrihet me bordure nga niveli i asfaltit ku levizin shoferat pijanece dhe shoferat garipa me nje dore timonin e nje dore celularin e leshit.

    Përgjigju
  • Biçikleta: 06/12/2020 17:18

    33 km korsi biçikletash ku jane ??!! Por , ajo qe eshte me e rendesishme, eshte se keto korsi po shfrytezohen nga motoret deliveri, gjithashtu ne shume korsi jane hequr sinjalistikat dhe jane shnderruar parkime per supermarkete

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja