Kosovë, Qeveria: Zgjedhjet serbe
sipas standardeve ndërkombetare

Qeveria e Kosovës ka përshëndetur mbajtjen e zgjedhjeve presidenciale dhe parlamentare të Serbisë në territorin e Kosovës duke vlerësuar se për herë të parëky process është bërë jashtë organizimit të institucioneve të Serbisë. Qeveria vlerëson se ky proces është bërë sipas standardeve ndërkombëtare për të drejta të shtetasve që kanë dyshtetësi. “Zgjedhjet janë menaxhuar me kompetencë nga OSBE-ja dhe për këtë Qeveria e Kosovës i shpreh mirënjohje të lartë OSBE-së dhe faktorëve tjerë ndërkombëtarë. Qeveria thekson se qytetarët serbë në tërë Kosovën kanë respektuar këtë frymë të organizimit dhe kanë treguar kulturë të lartë politike dhe qasje integruese, sipas standardeve ndërkombëtare”, thuhet në një deklaratë për mediat të zyrës së qeverisë së Kosovës. Qeveria e Kosoës thekson se mbajtja e zgjedhjeve lokale serbe në dy komuna të Kosovës është ilegale dhe ato nuk kanë asnjë efekt juridik dhe politik e as legjitimitet demokratik.

TAG:
• OSBE