Kosova sot shënon 23 vjetorin e çlirimit një nga ditët më të rëndësishme të historisë së vendit. 23 vjet më parë në Kosovë u vendosën 50 mijë ushtarë të NATO-s.
Ushtarët e parë të NATO-s që hynë në Kosovë më 12 qershor ishin forcat speciale të Norvegjisë dhe ato të Shërbimit Special Ajror Britanik.
12 Qershori është dita e parë e lirisë. Sot presidentja Vjosa Osmani dhe kryeministri Albin Kurti bënë homazhe tek varri ish presidentit Ibrahim Rrugova si dhe kanë vendosur kurora me lule në Prekaz ku prehet dhe familja Jashari.
“Jemi këtu në Prekaz, pikërisht në ditën kur të gjithë ne shprehim mirënjohjen tonë të thellë për të gjithë ata që ranë për liri por mbi të gjitha këtu në Prekaz ku u vulos liria jonë, me sakrificën dhe trimërinë e komandantit legjendar Adem Jashari dhe gjithë familjes Jashari. Dua të tregojmë edhe një herë që e kaluara jonë asnjëherë nuk mund të harrohet, përkundrazi ajo gjithnjë na shërben si një fanar ndriçues në çdo hap që e bëjmë përpara drejt forcimit të shtetit tonë, lirisë sonë dhe demokracisë së ndërtuar me aq shumë mund e sakrifica”, tha presidentja Osmani.
Ndërkohë kryeministri Albin Kurti u shpreh se lufta çlirimtare nuk mund të mendohet nga askush pa familjen Jashari.
“Lufta çlirimtare nuk mund të mendohet nga askush pa Jasharajt. Tre breza luftuan tri ditë në atë që sot njihet si Epopeja e UCK-së. Prekazi heroik është kryeqyteti i kryengritjes shqiptare, andaj sot u themi të gjithë qytetarëve urime 12 qershori, dita e çlirimit dhe paqes, e cila i ka rrënjët këtu te sakrifica dhe flijimi i familjes Jashari”, tha Kurti.
Më 12 qershor 1999, pas 78 ditë bombardimesh të Aleancës Ushtarake Perëndimore të udhëhequr nga Amerika kundër ushtrisë serbo-malazeze në Kosovë në Serbi dhe Mal të Zi, trupat e NATO-s hynë në Kosovë në misionin paqeruajtës KFOR, duke i dhënë fund luftës gati dyvjeçare midis popullsisë kryengritëse shqiptare të organizuar në radhët e Ushtrisë Çlirimtare të Kosovës dhe forcave okupuese ushtarake dhe policore serbo-malazeze.
Ambasadori i Shteteve të Bashkuara të Amerikës, Jeff Hovenier, është takuar me Sherifen Lutën – fytyra e secilës u bë pasqyra që tregonte luftën brutale të Serbisë në Kosovë – ajo teksa ishte duke u larguar nga Kosova ishte fotografuar për t’u dalë në ballinën e “Time”.
Takimi i ambasadorit amerikan me Sherifen ka ndodhur në ngjarjen e organizuar në rastin e 23 vjetorit të çlirimit të Kosovës, të dielën.
“Ishte kënaqësi të takova Sherife Lutën dhe familjen e saj në festën e Ditës së Paqes më herët sot. 23 vjet më parë, Sherifja u bë fytyra e një lufte brutale, pasi ajo dhe fëmija i saj u larguan nga Kosova. Sot, ata janë të sigurt dhe të shëndetshëm”, thuhet në postimin e Ambasadës Amerikane në Kosovës referuar fjalës së ambasadorit.
Sot Kosova e ka kremtuar 23 vjetorin e çlirimit nga okupatori serb.
Çlirimi erdhi pas një rezistence shqiptare ndaj forcave serbe të cilët kishin kryer gjenocid në Kosovë./GazetaExpress
Kryetarja e Kuvendit, Lindita Nikolla, mesazh me rastin e Ditës së Çlirimit të Kosovës: Vepër e UÇK e popullit kosovar, me mbështetjen e aleatëve të mëdhenj, ShBA e NATO. Kryetarja e Kuvendit, Lindita Nikolla, ka përshëndetur sot me një mesazh Ditën e Çlirimit të Kosovës
“Sot është një ditë e shënuar për Kosovën, Shqipërinë dhe të gjithë shqiptarët. Çlirimi i Kosovës është vepër e Ushtrisë Çlirimtare të Kosovës, e popullit të Kosovës, me mbështetjen e aleatëve të mëdhenj të kombit shqiptar, ShBA dhe NATO. Kosova e pavarur dhe demokratike është rezultat i Kosovës së lirë. Shqipëria qëndron në krah të Kosovës, për përballimin e sfidave të përbashkëta. Sepse sfidat e Kosovës janë edhe sfidat e Shqipërisë. Kuvendi i Shqipërisë dhe Kuvendi i Kosovës po bashkërendojnë diplomacinë parlamentare për përballimin e tyre. Anëtarësimi i Kosovës në Këshillin e Evropës, një kërkesë e drejtë dhe e merituar.”, shkruan Kryetarja e Kuvendit, Lindita Nikolla.
Presidenti Ilir Meta ka reaguar për 23 vjetorin e çliirimit të Kosovës nga serbët në një ofensivë ushtarake të drejtuar nga SHBA-të dhe NATO.
"Sot në Ditën e Çlirimit, çdo shqiptar i gëzohet arritjeve të Republikës së Kosovës, faktor kyç për paqen, stabilitetin dhe sigurinë në rajon, shembull frymëzues i ndërtimit të demokracisë dhe shtetit ligjor, që meriton sa më parë të jetë anëtare e NATO-s, përfituese e liberalizimit të vizave, anëtare e Këshillit të Evropës, si dhe çdo organizate ndërkombëtare.
Në këtë ditë historike nderojmë vizionin strategjik të Presidentit Ibrahim Rugova, rezistencën e lavdishme të UÇK, heroizmin legjendar të Komandantit Adem Jashari dhe sakrificat e çdo shqiptari që kontribuoi për lirinë dhe pavarësinë.
Mirënjohje dhe thellësisht falenderues për Aleancën e Atlantikut të Veriut, SHBA-ve dhe vendeve demokratike mike, që i dhanë fund genocidit, kurorëzuan aspiratën shekullore për liri dhe vazhdojnë t'i qëndrojnë afër Kosovës për të ndihmuar në zhvillimin e pandalshëm të demokracisë, avancimit të proceseve integruese europiane dhe euro-atlantike."- shkruan Meta.
Ish kryeministri Berisha ka reagur për 23 vjetorin e clirimit të Kosovës nga serbët në një ofensivë ushtarake të drejtuar nga SHBA-të dhe NATO.
Berisha shkruan se kjo është një dite e shënuar historike për Kosovën, kombin shqiptar dhe NATO-n. Mirënjohje të pakufishme për ata që luftuan dhe dhanë jetën për lirinë e Kosovës.
Kryeministri Edi Rama ka reaguar me anë të një postimi në rrjetet sociale për 23 vjetorin e çlirimit të Kosovës, ditë kur forcat e NATO-s të udhëhequr nga SHBA-të nisën ofensivën kundër forcave serbe duke i dhënë lirinë e shumëkërkuar Kosovës.
Rama shkruan se me hyrjen e forcave të NATO-s u hap një epokë e re për shqiptarët e Kosovës.
“Si sot 23 vjet më parë, me hyrjen forcave të NATO-s u hap një epokë e re për shqiptarët e Kosovës”, shkruan Rama në facebook.
Kosova sot shënon 23 vjetorin e çlirimit një nga ditët më të rëndësishme të historisë së vendit. 23 vjet më parë në Kosovë u vendosën 50 mijë ushtarë të NATO-s.
Lidhur me ketë dite historike për Kosovën ka ardhur dhe një mesazh urimi nga ish kryetari i PD-së Lulzim Basha i cili me anë të një postimi në facebook shkruan se 12 qershori 1999 shënoi fundin e një lufte të drejtë dhe sakrificash mbinjerëzore për realizimin e ëndrrës shekullore për një Kosovë të lirë. Nderim për bijat dhe bijtë e Kosovës që dhanë jetën për liri, për qëndresën paqësore të Presidentit historik, Ibrahim Rugova, për luftën heroike të Ushtrisë Çlirimtare të Kosovës dhe simbolit të saj, Komandantit Legjendar, Adem Jashari shkruan Basha.
“12 qershori 1999 shënoi fundin e një lufte të drejtë dhe sakrificash mbinjerëzore për realizimin e ëndrrës shekullore për një Kosovë të lirë. Në këtë ditë të shënuar, nderimi ynë i thellë shkon për bijat dhe bijtë e Kosovës që dhanë jetën për liri, për qëndresën paqësore të Presidentit historik, Ibrahim Rugova, për luftën heroike të Ushtrisë Çlirimtare të Kosovës dhe simbolit të saj, Komandantit Legjendar, Adem Jashari.
Në këtë rrugëtim plot sakrifica dhe shpresë drejt ëndrrës së çlirimit të Kosovës, shqiptarët ju janë përjetë mirënjohës aleatëve tanë strategjikë, vendeve anëtare të NATO-s të udhëhequr nga SHBA, vendeve mike dhe aleate të Europës dhe partnerëve të tjerë që mbështetën dhe luftuan për kauzën e drejtë të Kosovës së lirë, si dhe për ndihmën e vazhdueshme që kanë dhënë e japin për konsolidimin e shtetit demokratik të Kosovës.
Sot, 23 vite pas ditës së parë të lirisë, Kosova është kontributore në paqen dhe sigurinë e rajonit, duke ndërtuar bashkarisht me partnerët dhe aleatët tanë një të ardhme euro-atlantike për të giithë qytetarët e saj dhe mbarë rajonin”, shkruan Basha në facebook.
Lajme të tjera
-
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Qeveria e Kosovës, bonus 100 euro për pensionistët dhe për fëmijët deri në moshën 16 vjeç
22 Dhjetor, 12:30 -
Starlink në Kosovë, Kurti: Hap i rëndësishëm në avancimin e infrastrukturës dixhitale
22 Dhjetor, 10:49 -
Qeverisje me duar jo edhe aq të pastra në Kosovë
21 Dhjetor, 16:04
-
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Rama: Ku janë sot përfaqësuesit e UÇK-së që Rexhep Qosja i kërkonte në udhëtimin historik drejt Rambujesë
21 Dhjetor, 13:11 -
Veton Surroi: Fjalimi që kryeministri i Kosovës nuk duhet ta mbajë në Tiranë më 2025
20 Dhjetor, 20:29
-
Prokuroria Speciale e thërret për herë të dytë kryeministrin Albin Kurti për dëshmi
20 Dhjetor, 15:31
