POP 5

Lajmet më të lexuara të 5 minutave të fundit

Sport

Kosova mbretëron në xhudo, Shqipëria merr medalje bronzi në Kampionatin Ballkanik! Indrit Çullhaj në podium

Në qytetin e Pejës në Kosovë u mbajt Kampionati Ballkanik i Xhudos për të rritur. Nëntë shtete nga rajoni morën pjesë në këtë aktivitet, teksa në Pallatin e Sportit "Karagaqi" ishin sportistët e Kosovës që mbretëruan.

Kosova mbretëron në xhudo, Shqipëria merr medalje bronzi në Kampionatin Ballkanik! Indrit Çullhaj në podium

Indrit Çullhaj

KOSOVË - Në qytetin e Pejës në Kosovë u mbajt Kampionati Ballkanik i Xhudos për të rritur. Nëntë shtete nga rajoni morën pjesë në këtë aktivitet, teksa në Pallatin e Sportit "Karagaqi" ishin sportistët e Kosovës që mbretëruan, duke treguar se jo rastësisht janë kampionë në këtë sport.

Për Shqipërinë i vetmi që siguroi podiumin ishte Indrit Çullhaj. Sportisti i Tiranës mori medaljen e bronztë, për vendin e tretë. Çullhaj, ish-kampion Ballkani, fitoi medalje bronzi në peshat 73 ilogramë, që ishte edhe një prej kategorive me konkurrencën të fortë në këtë aktivitet.

Xhudisti i Tiranës kaloi me sukses tri sfidat e para, për t’u mundur më pas nga kampioni i Europës, shqiptari i Kosovës Akil Gjakova. Çullhaj reagoi mjaft mirë në duelin për medaljen e bronztë, aty ku mposhti turkun Soner Kumtas, duke siguruar një vend në podium, për t’i dhënë kështu medaljen e vetme Shqipërisë në Kampionatin Ballkanik të Xhudos.

Nga ana tjetër Kosova dominoi këtë aktivitet me tetë medalje të arta, dy të argjendta dhe pesë të bronzta; kjo në garat individuale për të rritur. Kosova u shpall kampione edhe në garat ekipore, duke shtuar edhe një tjetër medalje të artë, për ta çuar në total në 15 medalje bilancin e këtij aktiviteti.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22