Kosova prezanton trajnerin e ri, gjermani Foda: Do jetoj në Prishtinë, të gjithë i kanë dyert e hapura

PRISHTINË - Pas tre muajve pritje dhe shumë emrave të cilët janë diskutuar, përfaqësuesja e Kosovës në futboll është bërë me trajner të ri. Trajneri gjerman Franco Foda është emëruar zyrtarisht në krye të pankinës dardane.

57-vjeçari ka siguruar se do të jetojë në Prishtinë për t’i parë nga afër ndeshjet e Superligës, si dhe do të udhëtojë nëpër vendet e ndryshme të Evropës për të takuar futbollistët e piketuar.

"Do të jetoj në Prishtinë, pasi ka lojtarë interesantë në Superligë si Dellova apo Krasniqi. Gjithsesi do të udhëtoj edhe jashtë vendit për të parë futbollistët e tjerë të Kosovës. Edon Zhegrova është një futbollist shumë i mirë, që po luan mjaft mirë te Lille dhe ai është në planet tona. Çdo futbollistë që jep 100 përqind për Kosovën i ka dyert e hapura dhe do të ftohet", tha mes të tjerash gjermani.

LEXO EDHE:
'Dinari' Lajçak takon këtë javë kryenegociatorët: Të vijnë mendjehapur e me zgjidhje

Foda ka një karrierë të pasur, pasi për rreth pesë vite ka drejtuar kombëtaren A të Austrisë, ku ka drejtuar në 48 ndeshje dhe ka një mesatare prej 1,81 pikë për ndeshje. Sturm Graz, Zurich dhe Kaiserslauten janë ekipet e tjera ku ai ka drejtuar.

S.DH/Shqiptarja.com

TAG:
• FFK
• kosova
• agim ademi
• Franco Foda
• prishtine