Kosova sulmoi policinë! Ahmeti: 
Nuk është qëndrim i Maqedonisë

Kryetari i Bashkimit Demokratik për Integrim të Maqedonisë, Ali Ahmeti, ka deklaruar se nuk është qëndrim i Maqedonisë që kosovarët kanë kryer sulmin në pikën kufitare në Gushincë por i ndonjë zyrtari individual. Kjo ishte deklarata e tij pas takimit me zëvendëskryeministrin e Kosovës Hashim Thaçi, ku shtoi se dy qeveritë duhet të shkëmbejnë më tepër informacione lidhur me këtë incident.

Thaçi nga ana tjetër tha se Kosova çmon rolin e Ahmetit për afirmimin e shqiptarëve në Maqedoni, komunitet ky që sipas tij po kontribuon në shtet ndërtimin dhe integrimin e Maqedonisë. Thaçi shtoi se një Maqedoni e qëndrueshme dhe europiane është në interesin e Kosovës dhe integrimit në BE. Takimi mes Ali Ahmetit dhe Thaçit ka shërbyer dhe për informiminin në lidhje me situatën politike në Maqedoni. 

I pyetur rreth incidentit në Gushincë, Thaçi tha se institucionet e Kosovës mbështesin fuqishëm marrëveshjen e Ohrit të arritur me mbështetjen e faktorit ndërkombëtar. Të njëjtin mendim ndau dhe Ahmeti i cili tha se shqiptarët e zonës në kufi me kufirin e Kosovës nuk duan dhunë.



(v.gj/shqiptarja.com)