POP 5

Lajmet më të lexuara të 5 minutave të fundit

Kosova & Rajoni

Kosova themelon Institutin për krimet e kryera gjatë luftës, Kurti: Nuk mund të ketë amnisti për krimet e kryera nga Serbia

Kosova themeloi institutin kundër krimeve serbe gjatë luftës në Kosovë, ndërsa paralelisht po përgatit edhe një padi ndaj Beogradit për gjenocid. Kryeministri Albin Kurti tha gjatë mbledhjes së qeverisë, se nuk do të ketë amnisti për këto krime mizore

Pavarësisht përpjekjeve për dialog e marrëveshje me Beogradin, kryeministri i Kosovës Albin Kurti tha se Serbia duhet të mbajë përgjegjësi për krimet e kryera gjatë luftës në Kosovë.

Duke njoftuar themelimin e institutit për krimet e Serbisë, Kurti deklaroi se krimet nuk parashkruhen dhe nuk do të amnistohen.

“Vazhdon angazhimi ynë institucional për adresimin e të gjitha dëmeve krimeve të kryera gjatë luftës, angazhimi ynë për të matur dëmet e shkaktuara, andaj sot u bë një hap për ruajtjen e kujtesës kolektive, e cila do të na shërbej edhe neve edhe brezat pas nesh. Pra, e jetësojmë Institutin që do të adresojë krimet e Serbisë gjatë viteve 1998-1999”, ka thënë Kurti.

Gjatë mbledhjes së qeverisë, Kurti bëri edhe një bilanc të kërkimeve për të zhdukurit gjatë luftës.

“Plagët janë ende të njoma, janë të hapura për mijëra familjarë të mbi 1600 personave të zhdukur gjatë luftës. Po i japim prioritet fatit dhe vendndodhjes së të zhdukurve. Gjatë këtij viti janë kryer gërmime vlerësuese në 11 lokacione, prej tyre 5 nga to kanë rezultuar me gjetjen dhe zhvarrosjen e të paktën 6 viktimave të luftës, duke mos përfshirë gjetjet e fundit në Bishtazhinë, Gjakovë dhe Prizren”, ka thënë Kurti.

Drejtori ekzekutiv i Institutit për Krimet e kryera gjatë Luftës në Kosovë është emëruar Atdhe Hetemi. Ndërkohë, ministrja e drejtësisë bëri me dije se ndaj Serbisë po përgatitet një padi për gjenocid.

 

S.S/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57