POP 5

Lajmet më të lexuara të 5 minutave të fundit

Kosova & Rajoni

Kosova uron Shqipërinë për statusin

Krerë të Republikës së Kosovës kanë përcjellë urimet homologëve shqiptarë për marrjen e statusit kandidat. Ata kanë theksuar se ky nuk është një hap pozitiv vetëm për Shqipërinë, por edhe për Kosovën. VIDEO
Kosova uron Shqipërinë për statusin
Krerë të Republikës së Kosovës kanë përcjellë urimet homologëve shqiptarë për marrjen e statusit kandidat. Ata kanë theksuar se ky nuk është një hap pozitiv vetëm për Shqipërinë, por edhe për Kosovën.

Jahjaga: Krenar per suksesin tend Shqiperi
Presidentja e Kosovës, Atifete Jahjaga i ka dërguar një mesazh urimi presidentit Nishani në të cilën thotë se ndihet mjaft krenare për suksesin e Shqipërisë si dhe shpreh përkushtimin për avancimin e qëllimit të përbashkët të dy vendeve.  “Urime. Shumë krenare për suksesin tend”, shkruan Jahjaga në Twitter.

Thaçi: Kosova perfiton nga afrimi me BE-ne
Ndërsa kryeministri në largim, Hashim Thaçi ka uruar nëpërmjet rrjetit social “Facebook” kryeministrin Rama duke theksuar se edhe Kosova përfiton nga afrimi me BE-në. "Urime Shqipëria, urime Edi Rama për fitoren historike dhe kandidaturën zyrtare për BE. Kosova përfiton nga afrimi i BE-së" 

Haradinaj: Urime Shqiperise, Kosova do te perkushtohet drejt BE-se
Edhe mandatari i opozitës për formimin e qeverisë, Ramush Haradinaj, ka uruar qëverinë dhe popullin shqiptar për arritjen e Shqipërisë. Ai shpreh bindjen dhe përkushtimin se shumë shpejt Kosova do t’i ndërmarrë hapat e duhur që t’i plotësojë kriteret në rrugën drejt BE.

Mustafa: Urime, lajm i shumepritur
Po ashtu, edhe kreu i partisë më të madhe opozitare, LDK-së, Isa Mustafa ka uruar shqipërinë dhe popullin shqiptar menjherë pas lajmit të shumëpritur.

Pacolli: Lajm i mire edhe per prespektiven europiane te Kosoves
Kreu i Aleancës për Kosovë të Re, Behgjet Pacolli, ka uruar kryeministrin e Republikës së Shqipërisë, Edi Rama, popullin shqiptar dhe politikën shqiptare për marrjen të statusit të kandidatit për anëtarësim në Bashkimin Evropian.

"Dita e sotme tregon edhe një hap të madh historik të popullit shqiptar. Deshiroj të shpreh urimet më të sinqerta për Ju dhe qytetarët e Republikës së Shqipërisë me rastin e marrjes së statusit të kandidatit për anëtarësim në Bashkimin Evropian", thuhet në urimin e Pacollit drejtuar kryeministrit Rama dhe popullit shqiptar.

Më tej, Pacolli, duke marrë parasysh vullnetin e tij, por edhe të Aleancës për Kosovë të Re, në procesin e integrimeve në BE të vendit, shpreh gëzimin e tij për suksesin e Qeverisë shqiptare, lajm ky i mirë edhe për Kosovën dhe për perspektivën e saj evropiane.

Në urimin e tij, Pacolli thekson se çdo përparim i Shqipërisë është përparim i kombit. "Shpresojmë që edhe Kosova do të fitojë shumë shpejt lëvizjen e lirë drejt vendeve të Bashkimit Evropian për rininë tonë, për qytetarët tanë", thuhet në urimin e Pacollit.

Redaksia Online
(Gre.M/Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51