POP 5

Lajmet më të lexuara të 5 minutave të fundit

Kosova & Rajoni

Kosova, zgjedhje të parakohshme?
Pacolli nuk pranon të dorëheqet

Pranverën e vitit 2013 Kosova mund të shkojë drejt zgjedhjeve të parakohshme dhe atyre lokale në të njëjtën kohë. Zyrtarë të lartë në Partinë Demokratike kanë nisur ta favorizojnë opsionin e shkuarjes në zgjedhje të parakohshme kundrejt ristrukturimit të koalicionit qeverisës.
Kosova, zgjedhje të parakohshme?<br />Pacolli nuk pranon të dorëheqet
KOSOVE - Pranverën e vitit 2013 Kosova mund të shkojë drejt zgjedhjeve të parakohshme dhe atyre lokale në të njëjtën kohë. Zyrtarë të lartë në Partinë Demokratike kanë nisur ta favorizojnë opsionin e shkuarjes në zgjedhje të parakohshme kundrejt ristrukturimit të koalicionit qeverisës.

Siç shkruan e përditshmja "Koha Ditore" një skenar i tillë, sipas një zyrtari të lartë në PDK, parashihet të realizohet duke e “detyruar” Behxhet Pacollin që të japë dorëheqjen nga posti i zëvendëskryeministrit. Dhe nëse ai refuzon, atëherë nuk përjashtohet mundësia e shkarkimit të tij.

Me largimin e Pacollit do të tërhiqej AKR-ja nga koalicioni dhe Qeveria duke mbetur në pakicë, do t’i nënshtrohej mocionit të mosbesimit në Kuvendin e Kosovës. Në këtë formë do të përfundonte shumë shpejt edhe mandati i presidentes Atifete Jahjaga.

Ndërkaq, zëvendëskryeministri i Kosovës, Behxhet Pacolli, nuk e ka ndërmend të ofrojë dorëheqje pas implikimit të tij në aferën e hotelit “Grand”. Përmes një komenti në rrjetin social Facebook, Pacolli i ka quajtur “pikë e vogël në oqean” ata që po kërkojnë dorëheqjen e tij. "Nëse më pyesni çfarë mendoj për shkrimet, opinionet dhe deklarimet publike të disa opinionistëve që janë bërë në mediet tona këto ditë, atëherë unë u përgjigjem. Ka pasur shkrime me karakter informativ, të interesit publik, por shumica e tyre, sipas mendimit tim, kanë qenë me prapavija politike, shantazhuese, kanë pasur karakter destruktiv që dalin jashtë normave të një gazetarie profesionale. Bile ka pasur edhe njerëz të tillë dhe medie të tilla që kanë kërkuar ‘kokën’ time", shkruan Pacolli.

(sg/Shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

24 Nëntor, 19:34