Gjykata Themelore në Prishtinë shpalli fajtor dhe dënoi me heqje lirie një person, me akuza të lidhura me terrorizmin, më konkretisht për organizim dhe pjesëmarrje në grupe terroriste.
I dënuari H.S. u dënua me katër vjet e tetë muaj heqje lirie, vetëm gjashtë muaj pasi ishte rikthyer në Kosovë.
Sipas gjykatës, “i akuzuari me datë 23.11.2015, së bashku me bashkëshorten e tij dhe vajzën e mitur përmes aeroportit ndërkombëtar “Adem Jashari” në Prishtinë kishte udhëtuar për në qytetin e Stambollit të Turqisë dhe përmes lidhjeve të caktuara kishte depërtuar në Siri, me qëllim që ti bashkëngjitet organizatës terroriste “ISIS”.
Në vendimin e Gjykatës Themelore të Prishtinës thuhet se i dënuari H.S. “është angazhuar si pjesëtar i “ISIS-it”, si administrator në Byronë e ushtarëve të plagosur nën administrimin e “ISIS-it”, është financuar nga “ISIS” me shumën e të hollave prej nga 100 dollarë amerikanë në muaj, duke bashkëpunuar edhe me eprorë dhe luftëtarë të “ISIS-it”, si Lavdrim Muhaxheri etj, e që më pastaj është dorëzuar tek Forcat Demokratike Siriane”, thuhet në komunikatë.
Gjatë dhjetë vjetëve të fundit Kosova është përballur me raste të shumta të radikalizmit dhe disa qindra qytetarë të saj ishin bërë pjesë e organizatave ekstremiste në luftën e Sirisë.
Mbi 70 veta kanë humbur jetën, ndërsa qindra janë kthyer ndër vite nga Siria. Autoritetet në Kosovë besojnë se rreth 90 persona ndodhen ende në Siri, mes tyre pak luftëtarë dhe më shumë gra dhe fëmijë./ VOA
Lajme të tjera
-
Presidentja Osmani: Kosova nuk po kundërshton zbatimin e detyrimeve të veta
23 Prill, 18:59 -
Investigimi: A u vra gazetarja e BBC nga “Legija” famëkeq serb?
23 Prill, 18:35 -
Kosovë/ U akuzua për ngacmim seksual, profesori pezullohet nga detyra
23 Prill, 14:48 -
PE-ja miraton heqjen e vizave për shtetasit e Kosovës që kanë pasaporta të Serbisë
23 Prill, 14:36 -
DASH: Problemet me pavarësinë e gjyqësorit dhe kufizimet në lirinë e mediave, ndër shqetësimet kryesore për Kosovën
23 Prill, 09:44 -
Dështimi i votimit në Veri të Kosovës, kthim në situatën e para një viti
22 Prill, 22:57 -
BE: Rezultatet e votimit në veri të Kosovës nuk kontribuojnë në zbutjen e tensioneve! Masat ndaj Prishtinës do të vazhdojnë
22 Prill, 22:43 -
Raporti i DASH: Cila ishte gjendja e të drejtave të njeriut në Kosovë gjatë vitit 2023?
22 Prill, 22:22 -
Përplasja Kosovë-Serbi në OKB, Nesho në '5 Pyetjet': Vuçiç e quan Kosovën pjesë të sovranitetit të tij! Mulaj: Osmani bëri lëvizje të zgjuar
22 Prill, 21:20 -
Serbët bojkotuan votimin për shkarkimin e kryetarëve në veri, politologu për Report Tv: Skenar i Serbisë që të rritej presioni i ndërkombëtareve ndaj Kosovës
22 Prill, 13:49 -
Zyrtare/ BE kushtëzon integrimin e Serbisë me normalizimin e raporteve me Kosovën: Të zbatojë marrëveshjen e Ohrit
22 Prill, 12:19 -
Mero Baze: Kukullat e Vuçiçit, Kukullat e Albinit dhe Shqipërim Arifi
22 Prill, 11:07
