Kosovë, 'Fëmijët e Sirisë' me probleme të rënda traumatike

Kosovë, 'Fëmijët e Sirisë' me probleme të rënda traumatike

Sa herë që shohin avionë apo dëgjojnë zhurma e krisma të ndryshme, fëmijët e kthyer nga Siria shfaqin ndenja frike.

Një gjendje e tillë, vjen si pasojë e traumave që kanë përjetuar gjatë luftës në Siri, tha për Radio Europa e Lirë Valbona Tafilaj, psikiatre dhe koordinatore për mirëqenien dhe shëndetin mendor të fëmijëve dhe grave të kthyera nga Siria.

Tafilaj ishte ndër të parat mjeke që u takuan me këta fëmijë. Sipas saj, shumica prej 74 të miturve tw kthyer Siria në Kosovë prillin e këtij viti kanë shfaqur të tilla simptoma. Si fëmijët, ashtu edhe gratë, thekson ajo, kanë përjetuar trauma gjatë kohës që kanë qëndruar në zonat e konfliktit.

“Tek ata ka shenja të pagjumësisë, të frikës nga krismat apo zhurmat e forta. Kemi pasur fëmijë, të cilët kishin frikë nga avionët e kjo për shkak të luftimeve. Në këtë pjesë, e kemi marrë seriozisht”, është shprehur ajo.

Në kuadër të programeve të ri-integrimit, fëmijët e kthyer nga zonat e luftës, janë duke vazhduar mësimin në disa shkolla të Kosovës. Ministria e Arsimit ne Kosove, në bashkëpunim me UNICEF-in dhe OSBE-në, po ofron trajnime për mësimdhënës e për psikologë të shkollave, ku vijojnë mësimin nxënësit e kthyer. Javën e fundit të prillit të këtij viti, në Kosovë u kthyen 110 shtetas të saj nga Siria.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lushnjë, lejuan 37 ndërtime pa leje në 2019-2021, dënohen 12 persona! Mes tyre  2 kryeinspektorë dhe 2 inspektorët e IKMT-së

Lushnjë, lejuan 37 ndërtime pa leje në 2019-2021, dënohen 12 persona! Mes tyre 2 kryeinspektorë dhe 2 inspektorët e IKMT-së