Kosovë, kapen 65 kg
marijuanë, pranga kuksianit

Policia e Kosovës ka vënë në pranga të riun kuksian me iniciale M.M, 29 vjeç. Sipas policisë së Kosovës, arrestimi i tij  është bërë pasi i është gjetur në makinën e tij  një sasi prej  65 kilogramë marijuanë.

Arrestimi i të riut është bërë në dalje të autostradës  “Arben Xhaferi” në Prishtinë.Droga ishte e ndarë në katër pako të mëdha, ndërsa policia e Kosovës ka sekuestruar makinën dhe dy telefona celular.

Sakaq, ende nuk ka ka të dhëna sa i përket origjinës dhe destinacionit në të cilën do të dërgohej sasia e marijuanës. Arrtestimi i tij është bërë në mëngjesin e sotëm në bashkëpunim mes policisë dhe grupeve speciale kundër lëndëve narkotike.

Ndërkohë policia dhe grupi hetimor po punojnë për të identifikur origjinën e lëndës narkotike, ndërsa i riu është shoqëruar në komisariatin e Prishtinës për t’u pyetur në lidhje me ngjarjen.

Redaksia Online
N.M/Shqiptarja.com