Kosovë/ Konfirmohen 9 rastet e para me variantin 'Omicron'

Kosovë/ Konfirmohen 9 rastet e para me variantin 'Omicron'

Ambulanca Infektive në Kosovë

Autoritetet shëndetësore të Kosovës njoftojnë se janë konfirmuar nëntë rastet e para të infektimeve me variantin Omicron të koronavirusit.

Në një njoftim të Institutit Kombëtar të Shëndetësisë Publike të Kosovës thuhet se “nga 22 mostra pozitive në SARS-CoV-2, të periudhës kohore 15 deri 25 dhjetor 2021, janë konfirmuar nëntë raste.

Sipas institutit, dy raste janë të importuara nga Shtetet e Bashkuara, dy nga Mbretëria e Bashkuar, një nga Franca dhe katër raste me variantin Omicron të detektuar janë në komunën e Mitrovicës, të cilët mohojnë historine e udhëtimit dhe se kanë pasur kontakte me dikë nga jashtë”.

Ky institut bëri thirrje për zbatim të masave aktuale kufizuese dhe për vaksinim në një kohë kur varianti Omicron mund të përkeqësojë situatën aktuale me COVID-19.

Kosova aktualisht ka shkallën më të ulët të infektimeve dhe vdekjeve nga COVID-19 në rajon, por vazhdon të mbajë kufizime të orarit të punës dhe të lëvizjes së qytetarëve.

Autoritetet thonë se këto masa kufizuese janë të domosdoshme pasi që me festat e fundvitit, është rritur edhe numri i udhëtimeve.

Sot në Kosovë u shënuan 12 raste të reja të infektimeve nga 2,430 testime të kryera ndërsa një person ka humbur jetën. Deri më tani nga COVID-19 në Kosovë kanë humbur jetën 2,990 qytetarë.

Kosova deri më tani ka vaksinuar më shumë se 60 për qind e popullsisë mbi 18 vjeç kundër COVID-19. Por muajt e fundit është shënuar rënie e interesimit për t’u vaksinuar. Aktualisht në Kosovë ka filluar vaksinimi edhe me dozën përforcuese apo dozën e tretë, për të mbrojtur qytetarët nga variantet e reja të COVID-19./VOA/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi