POP 5

Lajmet më të lexuara të 5 minutave të fundit

Arkiva

Kosovë-OSBE: Bashkëpunimi rajonal, vendimtar për të luftuar krimin e organizua

  – Pjesëmarrësit e konferencës së OSBE-së në Kosovë zotohen të përmirësojnë bashkëpunimin rajonal për të luftuar krimin e organizuar dhe kërcënimet trans-kombëtare – PRISHTINË, 19 Nëntor /ATSH/- Një konferencë e organizuar nga Misioni i OSBE-së dhe Policia e Kosovës për zyrtarë të agjencive për zbatim të ligjit, përfaqësues të qeverive dhe akademikë nga Ballkani […]
/ATSH/- Një konferencë e organizuar nga Misioni i OSBE-së dhe Policia e Kosovës për zyrtarë të agjencive për zbatim të ligjit, përfaqësues të qeverive dhe akademikë nga Ballkani Perëndimor, Turqia dhe disa vende të BE-së me temë luftimin e krimit të organizuar dhe kërcënimeve trans-nacionale përfundoi më 18 nëntor në Prishtinë.
Misioni i OSBE-së në Kosovë në njoftimin e dërguar sot thekson se pjesëmarrësit u zotuan se do të rrisin efikasitetin në luftimin e krimit të organizuar duke përmirësuar shkëmbimin e informatave të inteligjencës kriminale dhe duke bërë trajnime e hetime të përbashkëta.
"Duket se njerëzit e përfshirë në tre sektorët kryesorë të krimit të organizuar, trafikim me qenie njerëzore, narkotikë dhe armë, bashkëpunojnë të papenguar nga paragjykimet etnike, dallimet politike dhe procedurat burokratike", tha Ambasadori Jean-Claude Schlumberger, Shef i Misionit të OSBE-së në Kosovë.
"Prandaj, bashkëpunimi rajonal është bërë vendimtar për të luftuar krimin e organizuar në mënyrë efektive dhe të suksesshme. Sa më shumë që bashkëpunojmë dhe shkëmbejmë informata dhe material të inteligjencës, ne do të bëhemi më efektivë në ndjekjen e kriminelëve", theksoi Schlumberger.
Konferenca është vazhdimësi e përpjekjeve të OSBE-së për të përmirësuar bashkëpunimin rajonal dhe për të rritur efikasitetin e agjencive për zbatim të ligjit.
Që nga viti 2009, OSBE ka ndihmuar institucionet e Kosovës të hartoj strategjitë dhe planet e veprimit kundër krimit të organizuar, terrorizmit, narkotikëve, dhe vazhdon t'i ndihmojë në zbatimin e tyre.
Misioni i OSBE-së në Kosovë ka për mandat mbrojtjen dhe promovimin e të drejtave të njeriut dhe komuniteteve, demokratizimin dhe zhvillimin e sektorit të sigurisë publike.

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54