POP 5

Lajmet më të lexuara të 5 minutave të fundit

Arkiva

Kosovë- OSBE ndihmon policinë në luftimin e korrupsionit

  PRISHTINË, 13 Prill/ATSH/.- Misioni i OSBE-së në Kosovë dhe Ambasada gjermane do të fillojnë sot pasdite një projekt për të përkrahur policinë e Kosovës në luftimin e korrupsionit të nivelit të lartë. Projekti, që financohet nga qeveria e Gjermanisë dhe do të implementohet nga misioni i OSBE-së, parashikon themelimin e një grupi kyç të […]
/ATSH/.- Misioni i OSBE-së në Kosovë dhe Ambasada gjermane do të fillojnë sot pasdite një projekt për të përkrahur policinë e Kosovës në luftimin e korrupsionit të nivelit të lartë.
Projekti, që financohet nga qeveria e Gjermanisë dhe do të implementohet nga misioni i OSBE-së, parashikon themelimin e një grupi kyç të hetuesve penalë dhe prokurorëve nga Policia e Kosovës dhe Prokuroria Speciale, si dhe fuqizimin e kapaciteteve të tyre për të hetuar rastet e korrupsionit të nivelit të lartë në mënyrë efektive.
Sipas një njoftimi të OSBE-së, përfaqësues të institucioneve dhe agjencive të tjera përgjegjëse për parandalimin dhe luftimin e korrupsionit të nivelit të lartë, si Agjencia kundër-Korrupsionit, Njësia e Inteligjencës Financiare, Administrata Tatimore, do të marrin pjesë në aktivitetet e projektit, përfshirë trajnime, tryeza të rrumbullakëta, vizita studimore e konferenca rajonale.
Shefi i Misionit të OSBE-së në Kosovë Ambasadori Jean-Claude Schlumberger, Zëvendës Shefi i Misionit të Ambasadës Gjermane Matthias Kiesler, Ministri i Punëve të Brendshme, Skender Hyseni dhe Prokurori Special Besim Kelmendi, do të flasin në këtë ngjarje./Kosovapress/

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Rikthehet Broja, sulmuesi gjen minutat e para për këtë sezon me Everton U-21

26 Nëntor, 07:28