Përfaqësues të institucioneve të Kosovës, diplomatë të huaj dhe qytetarë morën pjesë në një protestë në sheshin qendror të Prishtinës, për t’u solidarizuar me Ukrainën, që po përballet me agresionin rus që nga 24 shkurti.
Presidentja e Kosovës, Vjosa Osmani, tha se pamjet e luftës në Ukrainë nuk janë të panjohura për Kosovën dhe ato rikthejnë kujtimet e plagëve të luftës së vitit 1999.
“Prandaj edhe i jemi bashkuar botës demokratike, u jemi bashkuar aleatëve tanë, jo vetëm për ta dënuar agresionin rus mbi Ukrainën, por në të njëjtën kohë për të kërkuar përgjegjësi për krimet që po i kryen krimineli i luftës, diktatori Putin. Do të qëndrojmë të bashkuar, do të bashkojmë zërat dhe veprimet tona sikur kemi bërë deri tani dhe jam e bindur që sikur në rastin e Kosovës në vitin 1999, edhe tani në Ukrainë në vitin 2022, do të triumfojë liria dhe demokracia”, tha zonja Osmani.
“Ndaloni Putinin, ndaloni luftën”, “Paqe për Ukrainën” dhe “Bota ka parë mjaftueshëm luftëra”, ishin disa prej pankartave që mbanin në duar pjesëmarrësit e kësaj proteste të organizuar nga disa organizata të shoqërisë civile në Kosovë.
Dajana Berisha, drejtoreshë ekzekutive e Forumit për Iniciativa Qytetare, tha se protesta është organizuar për të treguar se populli i Kosovës qëndron pranë popullit të Ukrainës, në këto kohë të vështira.
“Ne jemi sot këtu që nëpërmjet një gjesti simbolik qytetar të shprehim mbështetjen dhe solidaritetin e Kosovës në rrafshin njerëzor, institucional e të organizatave joqeveritare me popullin e Ukrainës. Jemi këtu për të përcaktuar pozicionin tonë me vlerat perëndimore, në momente mjaft të vështira që po i kalon si rrjedhojë e invazionit dhe agresionit të Federatës Ruse”, tha ajo.
Parlamenti i Kosovës javën që shkoi përmes një rezolute më të cilën dënoi agresionin rus, i bëri thirrje qeverisë që të ofrojë strehim për rreth 5 mijë refugjatë ukrainas.
Presidentja Osmani ritheksoi gatishmërinë e institucioneve të Kosovës për t’u dalë në ndihmë ukrainasve që kanë nevojë.
“Gjithçka që është në dorën tonë e kemi bërë dhe do të vazhdojmë të bëjmë edhe më tutje brenda kapaciteteve që një shtet i vogël si Kosova i ka. Por, të jemi të qartë që është shumë me rëndësi që zëri ynë të dëgjohet në çdo kënd të botës se çfarë ndodhë kur ledhatohen diktatorët dhe se sa e rëndësishme është ndihma e aleatëve tanë perëndimorë dhe shteteve të tjera paqedashëse në raport me popullin e Ukrainës, që tani po bombardohet nga ana e Rusisë”, tha zonja Osmani.
Udhëheqësit e institucioneve dhe partive politike në Kosovë, e kanë dënuar sulmin dhe janë zotuar për bashkërendim me veprimet e aleatëve perëndimorë dhe qeveria u është bashkuar sanksioneve amerikane dhe evropiane kundër Rusisë./VOA
Komente
Lajme të tjera
-
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
Parimisht duhet perkrahur Ukrainen,Me kete perkrahim li rine,clirimin dhe te drjeten ne shtet dhe te drejta te njeriut.Ne duhte eprkrah ur edhe te drejten dhe te verteten tone kombet are per liri dhe clirim nga dhuna e terrori serbe,Te cilen Ukraina,jo qe nuk na i perkrah u,por edhe na luftoi dhe pas fitore sone nuk na e pranoi te drejten per shtet.Gjate luf tes sone cliirmtare ju dergoi avion kundershtareve tane te na gjuajne e te na vrasin,Ambasadoret e Ukraines ne Beograd e Shkup,Kane folur terr e zi per ne dhe shtetin e Kosoves, e te tjera e te tjera...!
Përgjigju